सिनसिनाटी: सिनसिनाटी ओपन टेनिस टुर्नामेण्ट २०२६-को महिला एकल फाइनलमा अमेरिकाकी दुई स्टार खेलाड़ी कोको गौफ र जेसिका पेगुलाबीच भिड़न्त हुनेछ। टुर्नामेण्टको इतिहासमा गत ५६ सालमा पहिलोपल्ट महिला एकल फाइनलमा दुई अमेरिकीबीच भिड़न्त हुन गइरहेको छ। यी दुईजना खेलाड़ीले २०२४ पेरिस ओलम्पिकमा महिला युगलमा एकसाथ खेलेकी थिइन् (दोस्रो राउण्डमा हारेकी थिइन्) अनि यसपाली आइतवार खेलिने फाइनलमा यी दुई खेलाड़ीबीच खिताबी भिड़न्त हुनेछ। सेमिफाइनल म्याचमा चौथो वरीयता प्राप्त गौफले चेक गणराज्यकी खेलाड़ी सारा बेजलेकलाई ७६ मिनटमा ६-४, ६-१-ले पराजित गरिन्। बीस वर्षीय बेजलेज टुर्नामेण्टमा विश्वकी नम्बर एक खेलाड़ी आर्यना सबालेंकाको साथमा मेडिसन कीज जस्ता खेलाड़ीलाई पराजित गरी पहिलो डब्ल्यूटीए १००० सेमिफाइनल खेलिरहेकी थिइन् तर २ पल्टकी ग्राण्ड स्ल्याम विजेता गौफ समक्ष उनको कुनै शीप चलेन। यसअघि पहिलो सेमिफाइनलमा तेस्रो वरीयता प्राप्त पेगुलाले पोल्याण्डकी इगा स्वियातेकलाई ७-५, ४-६, ६-४-ले पराजित गरी उनको खिताब बचाउने अभियान समाप्त गरिन्। सिनसिनाटी ओपनमा दुई अमेरिकी महिलाबीच अन्तिमपल्ट १९७०-मा फाइऩल खेलिएको थियो, जकसमा रोजी केसल्सले जीत हासिल गरेकी थिइन्।