​नयाँ दिल्ली: भारतीय जनता पार्टी (भाजपा) सिक्किम प्रदेशका अध्यक्ष डी. आर. थापाले बुधबार नयाँ दिल्लीस्थित पार्टीको केन्द्रीय मुख्यालयमा भाजपाका राष्ट्रिय अध्यक्ष नितिन नबीन र राष्ट्रिय सङ्गठन महामन्त्री बी. एल. सन्तोषसँग उच्चस्तरीय भेटवार्ता गर्नुभएको छ। उक्त भेटघाटमा सिक्किम प्रदेश महासचिव अर्जुन राईको पनि उपस्थिति रहेको थियो।
​बैठकका क्रममा नेताहरूबीच सिक्किममा पार्टीको साङ्गठनिक एवं राजनीतिक वस्तुस्थितिबारे विस्तृत छलफल भएको छ। प्रदेश नेतृत्वले केन्द्रीय नेताहरूलाई सिक्किममा पार्टीको वर्तमान कार्यसञ्चालन, तल्लो तह (ग्रासरुट) सम्म भइरहेका साङ्गठनिक गतिविधिहरू र जनसम्पर्क अभियानबारे अवगत गराउनुभएको थियो। यसका साथै आगामी दिनमा राज्यमा पार्टीसामु रहेका चुनौती र सम्भावनाहरूमाथि पनि गहन समीक्षा गरिएको छ।

​सिक्किम भाजपाको प्रचार विभागद्वारा जारी विज्ञप्ति अनुसार, केन्द्रीय नेतृत्वले सिक्किममा पार्टीको उपस्थिति अझ सुदृढ बनाउन र जनस्तरमा प्रभाव बढाउनका लागि आगामी साङ्गठनिक रणनीति र कार्यक्रमहरूका सन्दर्भमा महत्वपूर्ण मार्गदर्शन तथा निर्देशन प्रदान गरेको छ।