लद्दाख: सिंधु जल सम्झौता निलम्बन भएको पृष्ठभूमिमा भारतले लद्दाखमा पानी संरक्षणका लागि महत्वपूर्ण कदम चालेको छ। भारतले सिमेन्ट र कंक्रिट प्रयोग नगरी ढुंगाबाट चेक ड्याम निर्माण गरेको जनाएको छ।
उक्त चेक ड्याम निर्माणपछि आसपासका क्षेत्रमा पानीको सञ्चिति बढेको छ। स्थानीय स्तरमा जलस्तर करिब १० फिटसम्म बढेको बताइएको छ।
यसबाट लद्दाखका सुख्खा तथा बंजर खेतमा सिँचाइका लागि करिब चार करोड लिटर पानी उपलब्ध हुने अपेक्षा गरिएको छ। पानी संरक्षण र स्थानीय कृषि उत्पादनलाई बढावा दिन यो परियोजना महत्वपूर्ण मानिएको छ।
कठोर भौगोलिक अवस्था र पानीको अभाव रहेको लद्दाखमा परम्परागत तथा प्राकृतिक स्रोतमा आधारित संरचनामार्फत पानी सञ्चय गर्ने प्रयासलाई स्थानीय रूपमा प्रभावकारी कदमका रूपमा हेरिएको छ।