कोलकाताः कोलकाताको विख्यात ब्रिगेड परेड मैदानमा आइतवार एक लाखभन्दा धेरै मानिसहरूको सामूहिक गीता पाठ र नजरूल गीत “हे पार्थसारथी बजाओ बजाओ पांचजन्य” गायनको विश्व रेकर्ड बनेको छ। यसमा राष्ट्रिय स्वयंसेवक संघसित सम्बन्धिक संस्था संस्कार भारतीको अहम भूमिको रहेको छ। संस्कार भारतीको तर्फबाटै कार्यक्रममा “हे पार्थसारथी बजाओ बजाओ पाँचजन्य” गानाको प्रस्तुति गरियो, जसलाई दोहोराएर विश्व रेकर्ड बनाइएको छ। यद्यपि, कार्यक्रमको आयोजन सनातन संस्कृति परिषद, अखिल भारतीय संस्कृत परिषद, मातीलाल भारत तीर्थ सेवा मिशन र अन्य धार्मिक र सामाजिक संस्थाहरूको तर्फबाट गरिएको थियो। द्विजेन्द्रलाल रोयले संस्कार भारतीका कलाकारहरूको टीमको नेतृत्व गरे। कलाकारहरूको यस टीमले ”धनधान्य पुष्प भरा” सहित धेरै गीतहरू गायो।

कोलकातामा यस प्रकारको यो पहिलो आय़ोजन थियो। गीता पाठको यस कार्यक्रममा सामेल हुन बिहानैदेखि लाखौंको संख्यामा विभिन्न जिल्लाहरूबाट मानिसहरू हावड़ा स्टेशन आउन थालेका थिए। उनको सुविधाको निम्ति अखिल भारतीय संस्कृत परिषदको तर्फबाट हावड़ा स्टेशन सामू एउटा मंच बनाइएको थियो। ब्रिगेड एतिहासिक सभाको सांस्कृतिक मंचमा संस्कार भारतीका ६० कलाकारहरूको नेतृत्व र निर्देशनमा काजी नजरूलको प्रसिद्ध गीत “हे पार्थसारथी बजाओ बजाओ पांचजन्य” गीत गाइयो, जसको संस्कार भारतीका कलाकारले गत तीन दिनदेखि नियमित अभ्यास गरिरहेका थिए।