काेलकाता: पश्चिम बंगालको सत्तारूढ़ पार्टी तृणमूल कंग्रेसका प्रवक्ता कुणाल घोषले पुनः एकपटक सन्देशखालीमा कुनै पनि महिलासित यौन उत्पीड़न नभएको दाबी गरेका छन्। उनले मीडियामाथि आरोप लगाउँदै भने, सूत्रहरूको नाममा बंगाललाई बदनाम गराउने चेष्टा भइरहेको छ।

माइक्रोब्लगिंग साइट एक्समा पोस्ट गरी उनले भने, यदि सन्देशखालीमा महिलाहरूसित यसप्रकारको लगातार यौन उत्पीड़न भइरहेको थियो भने माकपा, भाजपा वा अन्य विपक्षी दलहरूका स्थानीय नेताहरू किन मौन थिए? उनले अझ भने, सन्देशखालीमा यौन उत्पीड़नको दाबी आधारहीन छ। यदि वर्षौंदेखिको यस्तो भइरहेको थियो भने स्थानीय माकपा, भाजपा, कंग्रेसका नेताहरूले पहिला किन केही भनेनन्? यहाँसम्म कि मीडियामा पनि समाचार आएको छैन।

यथार्थ के हो भने बंगाली मीडियाको सहयोग लिएर विपक्षले बंगाललाई बदनाम गराउनको लागि यस किसिमको नाटक मञ्चन गरिरहेको छ। जुन मानिसहरूले अनुहार फेरेर यस्तो गर्ने प्रयास गरेका छन्, उनीहरूलाई पक्राउँ गरिँदैछ। यौन उत्पीड़नको कुरा मुखको मात्र हो, यसमा कुनै सत्यता छैन।

उल्लेखनीय छ, सन्देशखालीका सयकड़ौं महिलाहरूले सड़कमा उत्रेर आरोप लगाएका थिए, स्थानीय तृणमूल नेता शेख शाहजहाँ र उसका समर्थकहरूले महिलाहरूको यौन उत्पीड़न गरेका छन्।