कोलकाता: वेस्ट बेंगल कमिसन फर प्रोटेक्सन अफ चाइल्ड राइट्स (डब्ल्युबीसीपीसीआर)को छह सदस्यीय टोलीले शनिबार उत्तर २४ परगना जिल्लाको सन्देशखालीमा राजनीतिक रूपमा समस्याग्रस्त क्षेत्रमा बाल दुर्व्यवहारको उजुरीहरूको अनुसन्धान गर्न पुग्यो। सात महिनाकी नानीलाई आमाको काखबाट खोसेर सन्देशखालीमा फालिदिएको गाउँवासीलेको आरोप छ। नानीको अझै उपचार भइरहेको छ। सन्देशखाली यौन दुर्व्यवहारका घटनाहरूको छानबिन गर्न भाजपाले छह सदस्यीय प्यानल गठन गरेको समाचार छl राज्य बाल अधिकार आयोगकी सल्लाहकार सुदेष्णा रोयले पत्रकारहरूलाई भनिन्, ‘हामी स्थितिको मूल्यांकन गर्न आएका छौं। राज्यका प्रत्येक बालबालिकालाई सुरक्षा प्रदान गर्नु र उनीहरूको अधिकार सुरक्षित भएको हेर्नु हाम्रो कर्तव्य होl’ पश्चिम बंगालको बालअधिकार संरक्षण आयोगकी अध्यक्ष तुलिका दासको नेतृत्वमा छह सदस्यीय टोलीले सन्देशखालीको भ्रमण गरेको थियो। एक महिना अघि, ईडीले स्थानीय तृणमूल कांग्रेस नेता शेख शाहजहानको परिसरमा खोजी गर्न क्षेत्रको भ्रमण गरेपछि सन्देशखालीमा तनाव उत्पन्न भएको थियो। यसअघि राष्ट्रिय महिला आयोग र राष्ट्रिय अनुसूचित जाति आयोगका प्रतिनिधिले पनि उक्त क्षेत्रको भ्रमण गरेका थिए।