खरसाङ: दार्जिलिंग लोकसभा क्षेत्रका सांसद राजु बिष्टले आज खरसाङमा संसदीय याचिका समितिका (पार्लियामेंट्री कमेटी ऑन पिटिनस) माननीय सभापति चन्द्र प्रकाश जोशी र समितिका अन्य सदस्यहरूलाई भव्य स्वागत गरेका छन्।
देशका विभिन्न भागहरूको भ्रमण गर्ने क्रममा संसदीय टोली आज खरसाङ आइपुगेको हो। यस भ्रमणको मुख्य उद्देश्य संसदीय सुनवाइ (Hearings) का क्रममा जनताद्वारा उठाइएका विभिन्न समस्या र मुद्दाहरूको स्थलगत अध्ययन तथा समाधान गर्नु रहेको बताइएको छ। आफू पनि यस गरिमामय स्थायी समितिको एक सदस्य रहेको जानकारी दिँदै सांसद बिष्टले सम्पूर्ण दार्जिलिंग लोकसभा क्षेत्रका जनताको तर्फबाट सभापति र सदस्य टोलीलाई पहाडको सुन्दर भूमिमा हार्दिक अभिनन्दन व्यक्त गरे।
यस भ्रमणले क्षेत्रीय मुद्दाहरूलाई केन्द्र सरकार समक्ष प्रभावकारी ढङ्गले पुर्याउन र सम्बोधन गर्न थप मद्दत पुग्ने विश्वास व्यक्त गरिएको छ।
About Author
