नयाँ दिल्ली: आईपीएल २०२६-मा मुम्बई इण्डियन्सका पेस बलर जसप्रीत बुमराह खराब फर्मसँग जुझिरहेका छन्। यस्तो स्थितिमा टीम इण्डियाका पूर्व कप्तान तथा मुख्य प्रशिक्षक रवि शास्त्रीले देशका प्रमुख पेस बलरको फर्ममाथि चिन्ता व्यक्त गर्दै शारीरिक तनाउ र मानसिक थकारलाई मुख्य कारण बताएका छन्। शास्त्रीले मुम्बई इण्डियन्ससँग आउँदो व्यस्त अन्तर्राष्ट्रिय क्यालेण्डरलाई ध्यानमा राखेर आफ्ना प्रमुख पेस बलरलाई ध्यानसँग प्रबन्धन गर्ने परामर्श दिएका छन्। शास्त्रीले भने, बुमराह गत १२ महिनामा भारतीय टीमको साथ भारी वर्कलोडपछि यस आईपीएलमा ओर्लिएका छन्। उनको संघर्ष केवल शारीरिक होइन। मानसिक थकान पनि यसको ठूलो कारण हो। मुम्बई इण्डियन्सले यसमाथि विशेष ध्यान दिनु पर्नेछ। आउँदो २ साल भारतीय टीमको व्यस्त कार्यक्रम रहेको छ। भविष्यमा धेरैवटा टेस्ट सीरीज र वनडे वर्ल्ड कप ररहेकको छ। यसैकारण उनको फिटनेस र कार्यभारको प्रबन्धन सावधानीपूर्वक गर्नु पर्नेछ। उल्लेखनीय छ, आईपीएलको जारी सीजनमा बुमराहले १० वटा म्याचमा केवल ३ विकेट लिएका छन्। यो चिन्ताको विषय हो। मुम्बई इण्डियन्सको निम्ति प्रत्येक म्याचमा बुमराहले कञ्जुसीको साथ बलिंग गरे पनि विकेट हासिल भइरहेको छैन। उनले गत ५ वटा म्याचमा त १ विकेट पनि लिन सकेका छैनन्। शास्त्रीको मानसिक थकानमाथि बयानले खेलाड़ीहरूले सामना गर्नु पर्ने ठूलो समस्यामाथि प्रकाश पारेको छ। बुमराहले भारतको निम्ति तीनैवटा प्रारूपमा खेल्ने हुनाले उनको वर्कलोड म्यानेजमेण्ट मुख्य मुद्दा बनेको छ।