आसाम: असमका मुख्यमन्त्री हिमन्त विश्व सरमाले १० लाख केटीहरुलाई कलेजमा भर्ना गराउने उद्देश्यले नयाँ पहलको घोषणा गरेका छन्। यस पहल अन्तर्गत गरीब केटीहरूले कलेजमा नि:शुल्क प्रवेशकाे साथ आफ्नो बैंक खातामा १० हजार रुपियाँ पनि पाउनेछन्। छोरीको शिक्षाको जिम्मेवारी सरकारले लिने छ भने छोराको शिक्षाकाे जिम्मा आमा-बाबाले लिने छन्। शर्माले जातको सशक्तिकरण अन्ततः त्यहाँको महिलाको शिक्षासँग जोडिएको कुरामा जोड दिए। यससाथै, कलेज जाने हरेक छात्राले १२ हजार रुपियाँ र विश्वविद्यालय जाने छात्राले १५ हजार रुपियाँ बैंक खातामा पाउनेछन्। जग्गापत्ता वितरण समारोहमा उपस्थित भीडलाई सम्बोधन गर्दै शर्माले यस्ता प्रतिबद्धता जनाउदै, मिसन बसुन्धरा २.० मार्फत आदिवासी जनजातिलाई भूमि अधिकारमार्फत सशक्तिकरणमा जोड दिए।