लण्डन: विम्बल्डन टेनिस टुर्नामेण्टमा पुरुष र महिला एकल वर्गमा कोको गौफ, कार्लोस अल्काराज र दानिल मेदवेदेवले आ-आफ्नो म्याच जितेर अघिल्लो राउण्डमा स्थान बनाए। यसरी नाओमी ओसाका चाहिँ हारको सम्मुखीन भइन्। अमेरिकाकी स्टार खेलाड़ी गौफले महिला एकलको म्याचमा रोमानियाकी एंका टोडोनीलाई सजिलै पराजित गरी तेस्रो राउण्डमा स्थान बनाइन्। दोस्रो वरीयता प्राप्त गौफले रोमानियाई खेलाड़ीलाई ६-२, ६-१-ले पराजित गरिन्। महिला एकलको अन्य एउटा म्याचमा चारपल्टकी ग्राण्ड स्ल्याम विजेता नाओमी ओसाकाले दोस्रो राउण्डको म्याचमा १९औं नम्बरकी खेलाड़ी ऐमा नवारोविरुद्ध ६-४, ६-१-ले हारको सामना गर्नु पऱ्यो। यसबाहेक बीट्रिज हदाद मेइयाले पनि मेग्डेलेना फ्रेचलाई ७-५, ६-३-ले पराजित गरी तेस्रो राउण्डमा स्थान बनाइन्।
यसरी पुरुष एकलमा गत सालको च्याम्पियन कार्लोस अल्काराजले एलेक्जेण्डर वुकिकलाई ७-६, ६-२, ६-२-ले पराजित गरी तेस्रो राउण्डमा स्थान बनाए। अघिल्लो राउण्डमा अल्काराजको सामना २९औंं वरीयता प्राप्त अमेरिकी खेलाड़ी फ्रान्सेस टियाफोसँग हुनेछ। अन्य एउटा म्याचमा पाँचौं वरीयता प्राप्त रुसका दानिल मेदवेदेवले सेण्टर कोर्टमा कड़ा चुनौतीको सामना गर्नु पऱ्यो। चरम दबाउमा रहे पनि अन्तमा मेदवेदेवले एलेक्जेण्डर मुलरलाई ६-७, ७-६, ६-४, ७-५-ले पराजित गरे। पुरुष एकलमा विश्वका नम्बर एक खेलाड़ी इटलीका यानिक सिनरले पनि आफ्नै देशका मातेओ बेरेटिनीलाई ७-६, ७-६, २-६, ७-६-ले पराजित गरी अघिल्लो राउण्डमा स्थान बनाए।