गान्तोक: सितापुरको प्रतिष्ठित शैक्षिक संस्थान विद्या ज्ञान एकाडमीको निम्ति छनौट भएका विद्यार्थीहरूले आज राज्यका मुख्यमन्त्री प्रेमसिंह तामाङसँग उनको सरकारी निवास मिन्तोगाङमा भेट गरे। यो एक प्रतिष्ठित संस्थान हो अनि ग्रामीण भारतको निम्ति महत्वाकांक्षी उच्च उपलब्धि प्राप्त गर्नेहरूको लागि एक आशाको किरणको रूपमा मानिने गरिन्छ। विद्याज्ञान एक पूर्ण आवासीय, सह-शैक्षिक एकाडेमी हो, जसले कक्षा ६ देखि १२ सम्मको विश्वस्तरीय शिक्षा निःशुल्करूपमा प्रदान गर्दछ। यो एकाडेमी अल्पसंख्यक पृष्ठभूमिका प्रतिभाशाली विद्यार्थीहरूलाई उनीहरूको पूर्ण क्षमतामा पुग्नको लागि सशक्त बनाउनको लागि समर्पित छ।
मुख्यमन्त्रीले विद्यार्थीहरूलाई यो परिवर्तनको यात्रामा अघि बढेको भन्दै शुभकामना दिए। मुख्यमन्त्रीले विद्यार्थीहरूलाई हरेक अवसरलाई अँगाल्न, ज्ञान र आत्मविश्वासमा बढाउन र भविष्यमा नेता बन्न प्रोत्साहित गरेका छन्। छनौट हुने विद्यार्थीहरूमा राले माध्यमिक विद्यालयका ध्यान गुँरागाई, तिन्तेक सरस्वती सरकारी प्राथमिक पाठशालाका रोहन दाहाल, सोमबारिया वरिष्ठ माध्यमिक विद्यालयकी रश्मिका छेत्री र क्योङशा कन्या विद्यालयबाट अनुराधा शर्मा रहेका छन्।