नयाँदिल्ली : विद्यार्थी आन्दोलनपछि चर्किएको राजनीतिक विवादबीच ककरोच जनता पार्टी (सीजेपी) ले आगामी सेप्टेम्बर ५ मा दिल्लीमा गर्ने भनिएको विरोध मार्च फिर्ता लिएको छ। केन्द्र सरकारले आन्दोलनका क्रममा विद्यार्थीविरुद्ध दर्ता भएका मुद्दा अघि नबढाउने आश्वासन दिएपछि सीजेपीले प्रदर्शन स्थगित गरेको हो।
सर्वोच्च अदालतमा केन्द्रका तर्फबाट सोलिसिटर जनरल तुषार मेहताले जुलाई २० देखि २५ बीच आन्दोलनकारी विद्यार्थीविरुद्ध दर्ता भएका मुद्दा खारेज गर्ने जानकारी दिएका थिए। अदालतले सम्बन्धित राज्य तथा केन्द्रशासित प्रदेशमा दर्ता भएका यस्ता मुद्दा खारेज मानिने र सोही आन्दोलनलाई आधार बनाएर भविष्यमा नयाँ मुद्दा दर्ता नगर्न निर्देशन दिएको बताइएको छ।
यसअघि सीजेपीले सरकारमाथि प्रतिबद्धता पूरा नगरेको आरोप लगाउँदै सेप्टेम्बर ५ मा इन्डिया गेटदेखि दिल्ली पुलिस मुख्यालयसम्म विरोध मार्च घोषणा गरेको थियो। अदालतको निर्णयपछि संगठनले उक्त कार्यक्रम फिर्ता लिएको हो।