३१ अक्टोबरः च्याम्पियन्स लीगमा निराशाजनक हारको सम्मुखीन हुने रियल म्याड्रिड स्पेनिश ला लीगा फूटबलमा पनि ड्र-मा अल्झियो। आइतवार राति खेलिएको म्याचमा रियल म्याड्रिडलाई गिरोनाले १-१-को ड्र-मा रोक्यो। आफ्नो होम ग्राउण्ड सेण्टियागो बर्नब्यू-मा ५८ प्रतिशत पोजेशनको साथ खेल्ने रियल म्याड्रिडबाट विनिसियस जूनियरले ७०औं मिनटमा गोल गरे। गोल खाएको लगत्तै दश मिनटपछि क्रिस्थिएन स्टुआनीले पेनल्टीबाट गोल गरी गिरोनालाई १-१-को बराबरीमा पुऱ्याए। त्यसपछि स्टपेज टाइमको पहिलो मिनटमा रियल म्याड्रिडका अनुभवी खेलाड़ी टोनी क्रूसले रातो कार्ड देखेर मैदान छोड़्नु पऱ्यो। यस ड्र पछि पनि रियल म्याड्रिड १२ वटा म्याचमा ३२ पोइण्टको साथ ला लीगा टेबलको शीर्ष स्थानमा कायम रह्यो। अहिले रियलसँग दोस्रो स्थानमा रहने बार्सिलोनाभन्दा केवल १ पोइण्ट अधिक रहेको छ। यसरी नै १६औं स्थानमा रहने गिरोनासँग १० पोइण्ट रहेको छ। यसरी नै रियल बेटिसले रियल सोसिएदाद विरुद्ध २-०-ले जीत हासिल गऱ्यो। विजेता टीमबाट जुआन क्रूजले ८६औं र बोर्खा इग्लेसियसले स्टपेज टाइमको तेस्रो मिनटमा गोल गरे। यस म्याचमा रोमाञ्चक जीतपछि रियल बेटिस १२ वटा म्याचमा २३ पोइण्टको साथ चौथो स्थानमा रहन पुग्यो। यसरी नै पाँचौं स्थानमा रहने रियल सोसिएदादसँग २२ पोइण्ट रहेको छ। ला लीगाको अन्य एउटा म्याचमा एथलेटिक क्लबले भिल्लारियल विरुद्ध १-०-ले जीत हासिल गऱ्यो। म्याचमा विजेता टीमबाट इनाकी विलियम्सले ५९औं मिनटमा गोल गरे। यस जीतको साथै एथलेटिक क्लब २१ पोइण्टको साथ छैटौं स्थानमा रहन पुग्यो। यसरी नै आठौं स्थानमा रहने भिल्लारियलसँग १८ पोइण्ट रहेको छ।