नयाँ दिल्ली: चेन्नई सुपर किंग्स (सीएसके) र रोयल च्यालेञ्जर्स बेंगलुरु (आरसीबी)-ले आईपीएल २०२६-को रहल म्याचहरूको निम्ति दुईजना खेलाड़ीलाई आ-आफ्नो टीममा स्थान दिएको छ। सीएसके-ले खलील अहमदको स्थानमा कुलदीप यादवलाई टीममा सामेल गरेको छ। खलील चोटले गर्दा रहल सीजनबाट बाहिर भएका छन्। कुलदीप ३० लाख रुपियाँमा सीएसके-मा सामेल भएका छन्। यसरी गत विजेता आरसीबी-ले नुवान तुषाराको स्थानमा रिचर्ड ग्लीसनलाई टीममा सामेल गरेको छ। तुषारा पनि चोटको शिकार बनेका छन्। ग्लिसन १.६ करोड़ रुपियाँमा आरसीबी-मा सामेल भएका छन्। मीडियम पेस बललर कुलदीपले २०२१-मा राजस्थान रोयल्सको तर्फबाट खेल्दै आईपीएलमा पदार्पण गरेका थिए अनि फ्रेञ्चाइजीको निम्ति ३ वटा म्याच खेलेका थिए। यसरी ईंग्ल्याण्डका पेस बलर ग्लीसनले आफ्नो देशको निम्ति ६ वटा टी२० म्याच खेलेर ९ विकेट लिएका छन्। उनले आईपीएलको २०२४ र २०२५ सीजनमा क्रमशः सीएसके र मुम्बई इण्डियन्सको प्रतिनिधित्व गरेका थिए।