किशनगञ्ज: कांग्रेस नेता राहुल गान्धीको ‘भारत जोडो न्याय यात्रा’ सोमबार (२९ जनवरी) किशनगञ्ज हुँदै बिहार प्रवेश गरेको छ। कांग्रेस प्रदेश इकाईका अध्यक्ष अखिलेश प्रसाद सिंह र पार्टीका अन्य वरिष्ठ नेताहरूले राहुल गान्धीलाई बिहारमा स्वागत जनाएरे। सन् २०२० को बिहार विधानसभा चुनाव अभियान पछि राहुल गान्धीको बिहारको यो पहिलो भ्रमण हो। ‘न्याय यात्रा’ राज्यमा यस्तो समयमा प्रवेश गरेको छ, जब कांग्रेसका पूर्व सहयोगी र बिहारका मुख्यमन्त्री नितिश कुमारले एक दिन अघि भारतीय जनता पार्टी (भाजपा) नेतृत्वको राष्ट्रिय लोकतान्त्रिक गठबन्धन (एनडीए)मा फेरि पक्ष परिवर्तन गरे। कांग्रेस विधायक पार्टीका नेता शकील अहमद खानले भने, ‘राहुल गान्धीले किशनगञ्जमा सार्वजनिक सभालाई सम्बोधन गर्ने कार्यक्रम छ, त्यसपछि मंगलबार नजिकैको पूर्णिया जिल्लामा ठूलो र्या्ली, र एक दिन पछि कटिहारमा अर्को र्यारली हुनेछl’ कांग्रेस प्रदेश इकाईका अध्यक्ष अखिलेश प्रसाद सिंहले भने, ‘राहुल गान्धी बिहीबार अररिया जिल्ला हुँदै पश्चिम बंगालको लागि प्रस्थान गर्नेछन्, र केही दिन पछि झारखण्ड हुँदै बिहार फर्कनेछन्l’
कांग्रेसको राज्य इकाईका नेताहरूका अनुसार बिहारमा पार्टीको गठबन्धन साझेदारहरू, राष्ट्रिय जनता दल (आरजेडी)का अध्यक्ष लालु प्रसाद र भारतीय कम्युनिष्ट पार्टी (मार्क्सवादी-लेनिनवादी)का महासचिव दिपङ्कर भट्टाचार्यलाई पूर्णियामा हुने र्यानलीमा आमन्त्रित गरिएको छ। राहुल गान्धीको नेतृत्वमा यो यात्रा पश्चिम बंगालको उत्तरमा अवस्थित दिनाजपुर जिल्लाको सोनपुरबाट आज बिहान फेरि शुरु भएको हो। कांग्रेसका पार्टी नेतासँग कुरा गरेपछि उनले भने, ‘राहुलजी राति सोनपुरमा बसेका थिएl’ राहुल गान्धी भ्रमणको क्रममा कडा सुरक्षाको साथ गाडीमा थिए, र उनको पार्टीका समर्थक र उत्साहीहरूले पनि उनलाई अभिवादन गरेको देखियो। १४ जनवरीमा मणिपुरबाट शुरु भएको यो यात्रा बिहीबार बिहान असमबाट पश्चिम बंगालमा प्रवेश गरेको थियो। यसपछि, दुई दिनको ब्रेकमा राहुल गान्धी नयाँ दिल्ली फर्के। यात्रा ३१ जनवरीमा मालदा हुँदै पश्चिम बंगालमा पुन: प्रवेश गर्नेछ र मुर्शिदाबाद हुँदै १ फरवरीमा राज्य पार गर्नेछ। यो यात्रामा ६७ दिनमा ६७१३ किलोमिटरको दुरी तय हुनेछ। यो यात्रा १५ राज्यका ११० जिल्ला हुँदै जानेछ। यो यात्रा २० वा २१ मार्चमा मुम्बईमा समाप्त हुनेछ।