‎सिलगढी: राष्ट्रिय डेंगु दिवसको अवसरमा सिलगढीमा डेंगु नियन्त्रण तथा जनस्वास्थ्यप्रति सचेतना बढाउने उद्देश्यले एक सचेतना र्‍याली आयोजना गरिएको छ।
‎यो कार्यक्रम फराबारी महादेव स्पोर्टिङ क्लबको पहल तथा एक स्वयंसेवी संस्थाको सहकार्यमा सम्पन्न भएको हो।
‎यस र्‍यालीमा विभिन्न विद्यार्थीहरू सहित स्थानीय बासिन्दाहरूको पनि सहभागिता रहेको थियो। र्‍याली शहरका विभिन्न मुख्य सडक तथा क्षेत्रमा परिक्रमा गर्दै डेंगुबाट बच्ने सन्देश जनसमक्ष पुर्‍याइएको थियो।
‎सहभागीहरूले बताएअनुसार घर वरिपरि पानी जम्न नदिनु, नियमित सरसफाइ कायम राख्नु तथा आवश्यक अनुसार मच्छरदानी वा मच्छर नियन्त्रणका उपायहरूको प्रयोग गर्नु अत्यन्त आवश्यक छ। उनीहरूले डेंगु रोकथाममा जनसचेतनाको भूमिका सबैभन्दा महत्वपूर्ण हुने बताएका छन्।
‎‎आयोजकहरूले वर्षा ऋतु सुरु हुनुअघि नै डेंगुबारे सचेतना फैलाउनु अत्यन्त आवश्यक रहेको बताए। यस्ता कार्यक्रमले मानिसहरूलाई सचेत बनाउने र रोग रोकथाममा सहयोग पुर्‍याउने उनीहरूको भनाइ छ।
‎स्थानीय बासिन्दाहरूले यस पहलको स्वागत गर्दै यस्ता सचेतना कार्यक्रम नियमित रूपमा सञ्चालन भए क्षेत्रमा डेंगु नियन्त्रण अझ प्रभावकारी हुने बताएका छन्।