कोलकाताः पश्चिम बंगालमा करोड़ौं रूपियाँको राशन घोटालामा संलिप्तताको कारण पक्रा परेका मन्त्री ज्योतिप्रिय मलिक अझ् अस्वस्थ भएका छऩ्। यसपछि राजकीय सेठ सुखलाल करनानी मेमोरियल (एसएसकेएम) अस्पतालले उनीमाथि नजर राख्न चिकित्सकीय बोर्डको गठन गरेको छ। मलिकलाई प्रवर्तन निदेशालयले करोड़ौं रूपियाँको राशन घोटाला मामिलामा कथित संलिप्तताको कारण पक्राउ गरेको थियो।

अधिकारी अनुसार, मलिकको मंगलवार राति रक्त शर्करा स्तर बढ़ेको थियो, जसपछि उनलाई प्रेसीडेन्सी जेलबाट एसएसकेएम अस्पताल लगिएको थियो। अस्पतालको हृदय रोग विभागमा भर्ती मन्त्रीले बुधवार बिहान आफ्नो शरीरको देब्रे हिस्सा सुन्न भएको शिकायत गरे।

अधिकारीले भने, उनको एमआरआई गराइय़ो। हामी रिपोर्टको प्रतिक्षा गरिरहेका छौं। हामीले समग्र जाँचको निम्ति तान्त्रिका विज्ञान, एन्डोक्रिनोलोजी (अन्त:स्राव-विज्ञान), मेडिसिन, नेफ्रोलोजी (मिर्गौला सम्बन्धी रोगहरूका विशेषज्ञ), यूरोलोजी (मूत्र विज्ञान) र हृदय रोग विभागहरूका एक-एक चिकित्सकको दल तयार पारेका छौं। हामीले उनीहरूको स्वास्थ्यमाथि नजर राख्नेछौं र अगाड़ी के गर्नुपर्ने तय गर्नछौं।

मलिक उच्च ब्लड शुगर र अन्य रोगहरूसित जुझिरहेका छन्। उनलाई यस साल अक्टोबरमा पक्राउ गरिएको थियो। तबदेखि उनले लगातार आफू अस्वस्थ भइरहेको दाबी गरिरहेका छन्।

-हिस