​राजगञ्ज: पश्चिम बङ्गाल सरकारको ‘सारथी’ योजनाअन्तर्गत राजगञ्जस्थित अमबारी फलकाटा चिन्ता मोहन उच्च विद्यालयका कुल १०५ जना विद्यार्थीलाई साइकल वितरण गरिएको छ।
​विद्यालय परिसरमा आयोजित एक विशेष कार्यक्रमका बिच राजगञ्ज पञ्चायत समितिकी सभापति मोनिका अधिकारीलगायत अन्य अतिथिहरूले विद्यार्थीहरूलाई साइकल हस्तान्तरण गरेका हुन्।
​उक्त कार्यक्रममा बिन्नागुडी ग्राम पञ्चायतकी उपप्रधान प्रतिमा सिङ्घा रोय, बीरेन्द्रनाथ सरकार, सुजन रोय, अजित दत्त, अजय अधिकारी, स्वागत रोय र तापस रोयसमेतको उपस्थिति रहेको थियो।
​कार्यक्रमपछि सञ्चारकर्मीहरूसँग कुरा गर्दै सभापति मोनिका अधिकारीले विद्यालयका कक्षा ९ मा अध्ययनरत १०५ जना विद्यार्थीलाई साइकल प्रदान गरिएको जानकारी दिइन्। साथै, उनले वर्तमान सरकारको ‘सारथी’ योजनाअन्तर्गत वितरित साइकल अघिल्लो सरकारको ‘सबुज साथी’ योजनाका साइकलभन्दा उत्कृष्ट गुणस्तरको रहेको दाबीसमेत गरिन्।