नयाँ दिल्ली: पोर्तुगलका दिग्गज फूटबलर क्रिस्टियानो रोनाल्डोले आफ्नो सन्न्यासबारे ठूलो संकेत दिएका छन्। हालै विवाह बन्धनमा बाँधिने ४१ वर्षीय रोनाल्डोले बताएअनुसार, २०२६-२७ फूटबल सीजन शीर्ष स्तरमा उनको अन्तिम सीजन हुनसक्छ। रोनाल्डोले यो कुरा विवाह अघि दिएको एउटा साक्षात्कारमा भनेका छन्। रोनाल्डो अहिले सऊदी प्रो लीगमा आफ्नो क्लब अल-नस्रबाट खेलिरहेका छन्। उनी आफ्नो करियरमा १००० पेशादार गोल गर्ने ऐतिहासिक आँकड़ादेखि केवल २४ गोल टाढ़ा रहेका छन्। उनको नाममा अहिले ९७६ गोल रहेको छ। रोनाल्डोले साक्षात्कारमा भनेका छन्, यो शायद फूटबलमा मेरो अन्तिम साल हुनेछ अनि म एउटा असाधारण विरासत छोड़न चाहन्छु। उनले आफ्नो सन्न्यासपछिको जीवनबारे पनि बताएका छन्। रोनाल्डोको भनाइअनुसार, उनले आफ्नो भविष्यको योजना बनाइसकेका छन् अनि फूटबल छोड़ेपछि आफूलाई व्यस्त राख्न उनीसँग धेरै कुराहरू रहेको छ। उनले भने, मेरो भविष्य सम्पूर्ण रूपले तय छ। मसँग आफूलाई व्यस्त राख्न धेरै कुराहरू रहेको छ। फूटबल छोड़ेपछि एउटा ठूलो खालीपन आउनेछ, जसलाई त्यस समय कुनै एउटा चीजले नभएर धेरै तरिकाहरूले भर्नु पर्नेछ। रोनाल्डो फूटबलबाट सन्न्यास लिएपछि अधिक मौज-मस्ती गर्न, यात्रा गर्न अनि आफ्नो मनपर्ने गतिविधिहरूमा समय बिताउन चाहन्छन्। उनले विशेष रूपले पेडल खेल्ने अनि हेर्ने कुरा उल्लेख गरे। पाँचपल्टका बेलोन डी’ओर विजेता तथा पाँचपल्टका च्याम्पियन्स लीग विजेता रोनाल्डोले ईंग्ल्याण्ड, स्पेन, इटाली र सऊदी अरबमा लीग खिताब जितिसकेका छन्। उनी पुरुष अन्तर्राष्ट्रिय फृूटबलमा सर्वाधिक म्याच खेल्ने अनि सर्वकालीन सर्वाधिक गोलकर्ता हुन्। रोनाल्डोले पोर्तुगलको तर्फबाट रेकर्ड २३३ वटा म्याच खेलेर रेकर्ड १४६ गोल गरिसकेका छन्। रोनाल्डोको सऊदी प्रो लीग क्लब अल-नस्रसँग अझ सालको अनुबन्ध रहेको छ।
रोनाल्डोले भने, म धैरे मजा गर्न चाहन्छु, अधिक यात्रा गर्न चाहन्छु, पेडल हेर्न अनि खेल्न चाहन्छु। यो सब कुराहरू मलाई मन पर्छ। यसको साथमा मैले जे पनि हासिल गरेको छु, त्यसको आनन्द लिन जारी राख्नेछु। रोनाल्डोले आफ्नो करियरको संघर्ष र त्यागहरूलाई याद गर्दै भने, यस यात्राले लगभग २५ साल पूरा गरिसकेको छ अनि यस अवधि मैले धेरै त्यागहरू गर्नु पऱ्यो। सन्न्यासपछि म कुनै पश्चताप बिना खुलेर जिउन चाहन्छु। उल्लेखनीय छ, रोनाल्डोले आफ्नो स्वर्णिम करियरमा फिफा विश्व कप खिताब चाहिँ जित्न सकेनन्। विश्व कप २०२६-मा पोर्तुगलले राउण्ड अफ १६-मा स्पेनविरुद्ध १-०-ले हारको साथ बिदा लिएको थियो।