​शिलांग: मेघालयका मुख्यमन्त्री कनरार्ड के. संगमाले पिए संगमा स्पोर्ट्स कम्प्लेक्समा पुगेर जनप्रिय नेता स्व. पूर्णो ए. संगमाको शालिकमा माल्यार्पण गरी श्रद्धाञ्जली अर्पण गरेका छन्।
​स्व. संगमाको ७९ औँ जन्मजयन्ती तथा नेशनल पिपुल्स पार्टी (एनपीपी) को १४ औँ स्थापना दिवसको अवसरमा उक्त कार्यक्रम आयोजना गरिएको हो।
​सो अवसरमा मुख्यमन्त्री संगमाले स्वर्गीय नेताको आदर्श, दूरदृष्टि र ज्ञानप्रति नमन गर्दै उहाँका सिद्धान्तहरूले सदैव जनताको सेवा र भलाइका काममा प्रेरणा तथा मार्गदर्शन प्रदान गरिरहने बताएका छन्। कार्यक्रममा पार्टीका नेता तथा कार्यकर्ताहरूको उल्लेख्य उपस्थिति रहेको थियो।