जंगीपुर: पश्चिम बंगालका मुख्यमन्त्री ममता ब्यानर्जीले समान नागरिक संहिता (युसीसी)लाई चुनाव अघि एक राजनीतिक चालको रूपमा वर्णन गरे। भाजपाको आलोचना गर्दै उनले सोमबार भनिन्, ‘यसले हिन्दूहरूलाई फाइदा हुँदैन।‘ मुर्शिदाबाद जिल्लाको अल्पसंख्यक-बहुल जंगीपुर निर्वाचन क्षेत्रको र्‍यालीलाई सम्बोधन गर्दै मुख्यमन्त्री ममता ब्यानर्जीले भारतीय जनता पार्टी (भाजपा)लाई चुनावको प्रारम्भिक चरणमा अपेक्षित पराजयलाई ध्यानमा राख्दै विभाजनकारी रणनीति अपनाएको आरोप लगाए। उनले भनिन्, ‘जब पनि चुनाव हुन्छ, उनीहरूले कुनै न कुनै मुद्दालाई साम्प्रदायिक तनाव भड्काउने गर्छन्। यस पटक उनीहरूले युसीसीको बारेमा कुरा गरिरहेका छन्l यो एक विशेष समुदाय विरुद्ध हो भनेर प्रचार गरिरहेका छन्। यो युसीसी राजनीतिक बयानबाजी हो, र यसले हिन्दूहरूलाई कुनै पनि हालतमा फाइदा गर्दैनl’ उनले देशभरि बढ्दो भाजपा विरोधी भावनालाई उजागर गरिन्l ‘पहिलो दुई चरणको भोटिङ ढाँचा र प्रतिशत हेरेर हामी ढुक्कसँग भन्न सक्छौं कि भाजपा हारेको छ। बाँकी पाँच चरणमा पनि हार बेहोर्नुपर्नेछ। भाजपामा डर र त्रास फैलिएको छ’, उनले भनिन्। उनले कांग्रेस र मार्क्सवादी कम्युनिष्ट पार्टीलाई समर्थन नगर्न मतदाताहरूलाई सतर्क गराइन्l