गान्तोक: गान्तोक नगरपालिकाको निर्वाचनअन्तर्गत वार्ड नं १० बाट भारतीय जनता पार्टी–सिक्किम क्रान्तिकारी मोर्चा गठबन्धनकी उम्मेदवार श्रीमती सृजना छेत्री नगर पार्षद पदमा निर्वाचित भएकोमा मुख्यमन्त्री प्रेमसिंह तामाङले हार्दिक बधाई तथा शुभकामना व्यक्त गरे।
मुख्यमन्त्रीले उनको सफल निर्वाचनप्रति खुशी व्यक्त गर्दै समुदायको सेवा गर्न समर्पण, इमानदारी र विकासप्रतिको दृढ प्रतिबद्धतासहित कार्य गर्ने विश्वास व्यक्त गरे।
उनले नयाँ निर्वाचित नगर पार्षदलाई जनहित, शहरी विकास तथा जनसेवा क्षेत्रमा उल्लेखनीय योगदान पुर्‍याउन शुभकामना पनि दिए।