३१ जुलाईः अप्पर सीडर्स फूटबल क्लबको तत्त्वावधानमा आयोजित खुल्ला नक्आउट फूटबल टुर्नामेण्टमा आइतवार तीनवटा म्याच खेलियो। अप्पर सीडर्स खेल मैदानमा भएको पहिलो म्याचमा मिरिक बिशोनल गाउँले बीकेएफसी (भुट्टाखेती फूटबल क्लब)-लाई २-०-ले पराजित गऱ्यो। विजेता टीमबाट संसार राई र अभिषेक कार्कीले १-१ गरे। यसरी दोस्रो म्याचमा डीपीएफसी (धोतरिया पुलबजार फूटबल क्लब)-ले पाण्डाम युनाइटेडलाई २-१-ले पराजित गऱ्यो। विजेता टीमबाट राजीव राईले २ गोल गरे। यसरी पाण्डाम युनाइटेडबाट फिरोज थापाले १ गोल गरे। दिनको तेस्रो तथा अन्तिम म्याचमा नेऊर बालासन फूटबल क्लबले एमबीएफसी (मिलिंग बस्ती फूटबल क्लब)-लाई ५+१-ले पराजित गऱ्यो। विजेता टीमबाट रेवांग राईले २ गोल गरे। यसबाहेक छिदेन तामाङ, द्वांग तामाङ र वांगदी तामाङले १-१ गोल गरे। एबीएफसी-बाट फुबा तामाङले १ गोल गरे। यस सेभेन ए साइड टुर्नामेण्टमा च्याम्पियन हुने टीमलाई ट्रफीको साथमा ६० हजार रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई ट्रफीको साथमा ३५ हजार रुपियाँको नगद पुरस्कार प्रदान गरिनेछ।