सियोल: दक्षिण कोरियाको अदालतले पूर्व राष्ट्रपति युन सुक योललाई मार्शल लअ लागू गरेको अभियोगमा दोषी ठहर गर्दै शुक्रबार पाँच वर्ष कैद सजाय सुनाएको छ। यो फैसला सन् २०२४ डिसेम्बरमा जारी गरिएको मार्शल लअ आदेशसँग सम्बन्धित आठ आपराधिक मुद्दामध्ये पहिलो हो।
सियोल सेन्ट्रल डिस्ट्रिक्ट कोर्टले युनले सुरक्षाकर्मीहरूद्वारा गरिएको हिरासत प्रयासलाई अवहेलना गरेको र संवैधानिक प्रक्रिया उल्लंघन गरेको ठहर गरेको छ। युनमाथि विद्रोहको नेतृत्व गरेको गम्भीर आरोप पनि लागेको छ, जसमा मृत्युदण्डसम्मको व्यवस्था छ।
युनका कानुन व्यवसायीहरूले यो फैसला राजनीतिक प्रेरणाबाट आएको बताएका छन्। उनका अनुसार मार्शल लअ दीर्घकालीन सैन्य शासनका लागि होइन, संसदबाट उत्पन्न खतराबारे जनतालाई सचेत गराउन मात्र लागू गरिएको थियो।
मार्शल लअ घोषणा भएपछि दक्षिण कोरियामा व्यापक जनप्रदर्शन भएका थिए। त्यसपछि युनमाथि महाभियोग लगाइयो, उनलाई पक्राउ गरियो र राष्ट्रपति पदबाट हटाइयो।