कोलकाताः कलकत्ता हाईकोर्टको न्यायाधीश जस्टिस अमृता सिन्हाले उनको उद्देश्य मानिसहरूलाई न्याय दिलाउनु हो, कोर्टको कारबाहीको माध्यमले मीडियाको हेडलाइनमा आउनु होइन भनेकी छन्। उनले एक मामिलाको सुनवाईमा भनिन्, हाईकोर्टमा पञ्चायत चुनाउसित सम्बन्धित मामिलाहरूको बाढ़ आएको छ। यति दबाउ छ कि दिउँसोको भोजन गरी पानी पिउनु पनि सम्भव छैन। एक अधिवक्ताले चुनाउ बाहेक एक अन्य मामिलामा याचिका लगाएको थियो।

तब उसले जस्टिस सिन्हालाई यसको सुनवाई समयमा हुन्छ कि हुँदैन भऩी सोध्यो। यसैको जवाफमा जस्टिस सिन्हाले भऩिन्, यसबारे म तपाईलाई कुनैपनि वचन दिन सक्दिन किनभने कोर्टमा पञ्चायत चुनाउसित सम्बन्धित मामिलाहरूको बाढ़ आएको छ। दिनहुँ तय सूची बाहेक ७०-८० मामिला आइरहेछ। धेरै न्यायाधीशले दिउँसोको भोजनसम्म गर्न पाइरहेका छैनन्। मंगलवार म बिहान १०.३० बजी आफ्नो कोर्टमा बसेकी थिए औं अपराह्न ३.२९ बजी उठिरहेछु।

यसपछि नै उक्त अधिवक्ताले भन्यो, आज समाचार पत्रहरूमा पहिले हेड लाइनमा तपाईको नाम छ। यसको जवाफमा जस्टिस सिन्हाले भनिन्, म मीडियामा आउनका लागि काम गर्दिन। मानिसहरू यहाँ राहतका लागि आउँछन्। पत्रकारहरूलाई खबर बनाउने उत्साह रहन्छ तर मेरो उद्देश्य मानिसहरूलाई न्याय दिलाउनु हो, मीडियामा आउनु होइन।

-हिस