म्याड्रिड: कीलियन एम्बाप्पे मांसपेशीको चोटले गर्दा स्पेनिश ला लीगा फूटबल प्रतियोगिताको रहल म्याचहरूबाट बाहिर हुन सक्छन्। एम्बाप्पेको क्लब रियल म्याड्रिडले हालै खेलिएको म्याचको अवधि स्टार फरवर्डलाई चोट लागेको पुष्टि गरेको छ। एम्बाप्पेलाई रियल बेटिसविरुद्ध १-१-ले ड्र रहेको म्याचको अवधि चोट लागेको थियो। म्याच समाप्त हुन १० मिनट अघि एम्बाप्पेले मैदान छोड़नु परेको थियो। त्यस समय रियल म्याड्रिड १-०-ले अघि रहेको थियो तर अन्तिम क्षणमा हेक्टर बेलेरिनले गोल गरी म्याच ड्र गरेका थिए। क्लबद्वारा जारी बयानमा भनिएको छ, एम्बाप्पेको देब्रे खुट्टाको सेमीटेण्डिनोसस मांसपेशीमा चोट पाइएको छ। उनी कहिलेसम्म मैदानमा फर्किन सक्नेछन् भन्ने अहिलेसम्म स्पष्ट भएको छैन। रियल म्याड्रिडले खेलाड़ीको रिकवरीमाथि नजर राखिने अनि त्यही आधारमा फसेला लिइने जानकारी दिएको छ। यस चोटले गर्दा एम्बाप्पे ला लीगा सीजनको रहल ५ वटा म्याचबाट बाहिर रहन सक्छन्, जसमा बार्सिलोनाविरुद्ध महत्त्वपूर्ण म्याच पनि रहेको छ। एम्बाप्पे यस सीजनमा असाधारण फर्ममा थिए अनि अहिलेसम्म २४ गोल गरिसकेका छन्। यसैकारण उनको चोट रियल म्याड्रिडको निम्ति ठूलो झट्का साबित हुनेछ। यसबाहेक एम्बाप्पेको चोटले आउँदो वर्ल्ड कप (११ जूनदेखि)-लाई ध्यानमा राखेर फ्रान्स टीमको पनि चिन्ता बढ़ाएको छ। एम्बाप्पे फ्रान्सीसी टीमको महत्त्वपूर्ण खेलाड़ी हुन्।