राजगीर: भारतीय महिला हकी टीमले महिला एशियन च्याम्पियन्स ट्रफी टुर्नामेण्ट २०२४-मा जीतको साथ अभियान शुरु गऱ्यो। वर्तमान च्याम्पियन भारतले आफ्नो पहिलो म्याचमा मलेशियाविरुद्ध ४-०-ले जीत हासिल गऱ्यो। ऐतिहासिक शहर राजगीरमा खेलिएको म्याचमा भारतले आफ्नो आक्रामक खेल र मजबूत रक्षात्मक रणनीतिद्वारा मलेशियालाई हरेक मोर्चामा पछि छोड़्यो। भारतको निम्ति संगीता कुमारीले आठौं र ५५औं मिनटमा २ गोल गरिन्। यसबाहेक प्रीति दुबेले ४३औं र उदिताले ४४औं मिनटमा १-१ गोल गरिन्। यस जीतको साथै भारतलाई महत्त्वपूर्ण ३ पोइण्ट्स हासिल भयो। म्याचको शुरुवातमा मलेशियालाई भारतका अनुभवी गोलकीपर सविताको सतर्कताले बढ़त हासिल गर्ने मौका प्राप्त भएन। मलेशियाकी नूर मोहम्मदले एउटा मौका बनाएकी थिइन्, जसमा सविताले असाधारण शेभ गरिन्। मलेशियाले शुरुमै प्राप्त भएको पेनल्टी कर्नरलाई पनि काममा लगाउन सकेन। त्यसपछि चाहिँ भारतले म्याचलाई आफ्नो नियन्त्रणमा लियो। भारतले रहल समयमा आक्रामक हकी खेल्दै मलेशियालाई दबाउमा पाऱ्यो अनि लगातार ४ गोलको साथ म्याच जित्यो। टुर्नामेण्टमा भारतको दोस्रो म्याच मंगलवार कोरियाविरुद्ध रहेको छ।