नयाँ दिल्ली: यदि कहीं पनि केही गर्ने अन्तर्मनबाट इच्छा जागे भगवानले पनि सबै बाटो खोलिदिन्छन्। यसको पछिल्लो उदाहरण सन् २०१० मा मिस इन्डिया फर्स्ट रनर अप भएकी ऐश्रा हुन्। ऐश्रा पटेल एक मोडल हुन्। उनले वर्षौंदेखि मुम्बईमा मोडलिङ गरेकी छिन्। उनले करिब एक सय विभिन्न ब्राण्डका लागि मोडलिङ गरिसकेकी छिन्। तर, ६ महिनाअघि उनी ठूलो दुर्घटनाको शिकार भएकी थिइन्, जसले उनलाई मृत्युको मुखमा धेकेलेको थियो। यस वर्षको शुरुमा उनको कार गुजरातमा एक भयानक दुर्घटनामा परेको थियो, त्यसपछि डाक्टरहरूले पनि उनलाई अब कहिल्यै हिँड्न नसक्ने बताए।

उनी यस दुर्घटनामा गम्भीर रुपले घाइते भएकी थिइन् र उनको शरीरमा १८ ठाउँमा भाँचिएको थियो। उनको मेरुदण्ड भाँचिएको थियो र उनी लामो समय भेन्टिलेटरमा थिइन्। उनका अनुसार, ‘तिमीलाई हिँड्न कम्तीमा दुई वर्ष लाग्ने डाक्टरले बताएका थिए। तर मैले आफ्नो खुट्टामा उभिने निर्णय गरेको थिएँ। मैले हरेक औषधि र थेरापीलाई समर्पणका साथ अनुसरण गरें। र हेर आज म आफ्नो खुट्टामा उभिएको छु। ६–७ महिनाभित्र काममा फर्कने तयारी पनि गरेकी छुl’ हिम्मत गर्दै मोडल ऐश्राले नयाँ जीवन शुरु गर्ने निर्णय गरेकी छिन्। उनले हालै एक अन्तर्वार्ताका क्रममा आफू छिट्टै वेब सिरिजमा काममा फर्किने बताएकी थिइन्। उनी डिजिटल प्रोजेक्ट र म्युजिक भिडियोको पनि हिस्सा हुन्l उनले आफ्नो गाउँका लागि केही राम्रो गर्न चाहेको बताइन्।