सिलगढी: नयाँ जलपाइगढी थानाको पुलिसले सिलगढी नगरनिगम पुलिसको नयाँ जलपाइगढी थाना अन्तर्गत भालोबासा मोड क्षेत्रको एक निर्माणाधीन घरमा चोरीको आरोपमा २ जनालाई पक्राउ गरेको छ। पक्राउ परेका दुवैलाई बुधबार जलपाइगढी अदालतमा पठाइएको छ।
हिजो निर्माणाधीन उक्त घरबाट क्लिप, ड्रिल मेसिन, डोर लक लगायतका विभिन्न निर्माण सामग्री चोरी भएको खुलेको छ।चोरीको लगत्तै नयाँ जलपाइगढी पुलिस स्टेशनमा चोरीको उजुरी दर्ता गरिएको थियो। घटनाको अनुसन्धानपछि पुलिसले गएराति अम्बिकानगर इलाकाबाट दुई जनालाई पक्राउ गरेको हो। पक्राउ पर्नेहरूको नाम काजल बर्मन र रोहित रोय रहेको छ। पक्राउ परेका दुवैलाई बुधबार दिउँसो १२ः३० बजे जलपाइगढी अदालतमा पठाइएको थियो।