नयाँ दिल्ली: वनडे सीरीज २-१-ले जितेपछि भारतीय क्रिकेट टोली अब वेष्ट इण्डिजविरुजद्ध टी२० सीरीजमा ओर्लिन तयार छ। दुई टोलीबीच ५ वटा टी२० अन्तर्राष्ट्रिय म्याचको सीरीज खेलिनेछ। सीरीजको पहिलो म्याच मंगलवार लखनऊको इकाना क्रिकेट स्टेडियममा खेलिनेछ। भारतीय टोली वनडे सीरीजपछि टी२० सीरीजमा पनि आफ्नो वर्चस्व कायम राख्न चाहन्छ। भारत र वेष्ट इण्डिजबीच साल २००९-देखि अहिलेसम्म जम्मा ३१ वटा टी२० अन्तर्राष्ट्रिय म्याच खेलिएको छ। यसमा भारतले २० वटा म्याच जितेको छ जबकि वेष्ट इण्डिजलाई १० वटा म्याचमा सफलता हासिल भएको छ। एउटा म्याच बेनतीजा रहेको छ। यसरी खेलको सबैभन्दा छोटो प्रारूपमा क्यारेबियन टोलीविरुद्ध भारतको रेकर्ड मजबूत रहेको छ। टी२० अन्तर्राष्ट्रियमा यी २ टोलीबीच अन्तिमपल्ट टी२० विश्व कप २०२६-मा भिड़न्त भएको थियो। त्यस म्याचमा भारतले वेष्ट इण्डिजलाई ५ विकेटले पराजित गरेको थियो। वेष्ट इण्डिजले पहिला ब्याटिंग गर्दै २० ओभरमा ४ विकेट गुमाएर १९५ रन बनाएको थियो भने टीम इण्डियाले असाधारण प्रदर्शन गर्दै ४ बल बाँकी रहँदै लक्ष्यलाई हासिल गरेको थियो। भारतीय टी२० टोली श्रेयस अय्यरको कप्तानीमा एशियाई खेलहरू २०२६-मा स्वर्ण पदक जितेर फर्किएको छ। टोलीका युवा ओपनिंग ब्याटर अभिषेक शर्मा विध्वंशी लयमा छन्। उनले पाकिस्तानविरुद्ध एशियाई खेलहरूका फाइनलमा आक्रामक अर्द्धशतकको साथ टोलीलाई जीत दिलाउनमा महत्त्वपूर्ण भूमिका निर्वाह गरेका थिए। यसबीच वैभव सूर्यवंशी र सञ्जु सेमसन चाहिँ ब्याटको साथ छाप छोड़न विफल रहेका थिए। यसैकारण यी दुईजनासँग वेष्ट इण्डिजविरुद्ध सीरीजमा असल प्रदर्शन गरी आफ्नो उपयोगिता साबित गर्ने मौका रहनेछ।
भारतीय टोलीका उपकप्तान तिलक वर्मा पनि असल लयमा छन्। उनले एशियाई खेलहरूका फाइनलमा २२ बलमा अविजित ५१ रन बनाएका थिए। यसैकारण मध्यक्रममा उनको आक्रामक ब्याटिंग भारतको निम्ति महत्त्पूर्ण साबित हुनसक्छ। यसबीच भारतीय पेस आक्रमणमा चाहिँ अनुभवको सामान्य कमी देखिएको छ। पेस आक्रमणको अगुवाई अर्शदीप सिंहले गर्नेछन्। उनलाई साथ दिन प्रिन्स यादव र मयंक यादवलाई टोलीमा चयन गरिएको छ। यसबाहेक टोलीमा नितिश कुमार रेड्डी र शिवम दुबे जस्ता अलराउण्डर रहेका छन्, जसले मीडियम पेस बलिंग गर्न सक्छन्। यसरी वनडे सीरीजमा भारतलाई चुनौती दिएपछि वेष्ट इण्डिजको टोली टी२० प्रारूपमा पनि आफ्नो ताकत देखाउन चाहन्छन्। यस प्रारूपमा त्यसै पनि क्यारेबियन टोलीको मजबूत पक्ष मानिन्छ। वेष्ट इण्डिजलाई शेरफेन रदरफोर्ड, शिमरोन हेटमायर र रोमारियो शेफर्ड जस्ता खेलाड़ीहरूबाट असल प्रदर्शनको आशा रहनेछ। कप्तान शे होपले वनडे सीरीजमा असाधारण ब्याटिंग गरेका थिए अनि उनी यस लयलाई टी२० सीरीजमा पनि कायम राख्न चाहन्छन्। ब्याटरहरूका साथमा वेष्ट इण्डिजलाई आफ्ना बलरहरूबाट पनि असल प्रदर्शनको आशा रहनेछ, जसमा अकील हुसैन, शमार जोसेफ र म्याथ्यू फोर्ड जस्ता म्याच विजेता रहेका छन्। म्याच राति ७ बजीदेखि शुरु हुनेछ।