नयाँ दिल्ली: भारत र बङ्गलादेशबीच मङ्गलबार कुशियारा नदीको जल विभाजनसहित सात समझौताहरूमा हस्ताक्षर गरियो। भारत-बङ्गलादेशले रेलवे कनेक्टिविटी र आईटी प्रौद्योगिकीमा सहयोग, कुशियारा नदी जल विभाजन, न्यायिक सेवाहरूमा क्षमता निर्माण सहयोग, वैज्ञानिक र अनुसन्धान सहयोग, अन्तरिक्ष प्रौद्योगिकीमा सहयोग र प्रसार भारती तथा बङ्गलादेश टेलीविजनबीच सहयोगसित जुड़ेका सात समझौता ज्ञापनमा हस्ताक्षर गरियो। प्रधानमन्त्री नरेन्द्र मोदी र भारत यात्रामा आएकी बङ्गलादेशकी प्रधानमन्त्री शेख हसीनाबीच यहाँ हैदराबाद हाउसमा द्विपक्षीय वार्ता सम्पन्न भयो। वार्तापछि दुवै नेताहरूले साझा प्रेसवार्तालाई सम्बोधित गरे अनि दुवै देशबीच भएको समझौताहरूको आदान-प्रदान गरियो।

प्रधानमन्त्री नरेन्द्र मोदी र बङ्गलादेशकी प्रधानमन्त्री शेख हसीनाले संयुक्त रूपमा मैत्री सुपर थर्मल पावर प्रोजेक्टको यूनिट-१ को अनावरण गरे। यसलाई भारतको रियायती वित्तपोषण योजनाअन्तर्गत निर्मित गरिन्दैछ। यस परियोजनाले बङ्गलादेशको राष्ट्रिय ग्रिडमा १३२० मेगावाट जोड्नेछ। यस बाहेक मल्टीमोडल कनेक्टिवीटलाई अघि बढ़ाउन, दुवै देशका नागरिकहरूबीच सम्पर्क बढ़ाउन र क्षेत्रीय आर्थिक एकीकरणलाई सुगम बनाउनका लागि दुवै नेताले संयुक्त रूपमा ५.१३ किमीको रूपा रेल पुलको उद्घाटन गरे। यो ६४.७ किमी खुलना-मोङ्गला पोर्ट ब्रड गज रेल परियोजनाको एक महत्वपूर्ण हिस्सा हो।

प्रधानमन्त्री नरेन्द्र मोदीले आफ्नो भाषणमा कुशियारा नदी जल विभाजनलाई लिएर भएका महत्वपूर्ण समझौताको उल्लेख गर्दै भने, ‘यसबाट भारतमा दक्षिणी असम र बङ्गलादेशमा सिलहट क्षेत्रलाई लाभ पुग्नेछ। यस्ता ५४ नदीहरू छन्, जो भारत-बङ्गलादेश सीमा भएर बग्छन् र शताब्दीऔंदेखि दुवै देशका मानिसहरूको आजीविकासित जुड़ेका छन्। यी नदीहरू, यिनीहरूबारे लोक-कथाहरू, लोक-गीत, हाम्रो साझा संस्कृतिक विरासतको पनि साक्षी रहेका छन्। आज बङ्गलादेश भारतको सबैभन्दा ठूलो विकास भागीदार हो र क्षेत्रमा हाम्रो सबैभन्दा ठूलो व्यापार साझेदार हो। हाम्रो घनिष्ठ सांस्कृतिक र मानिसहरूबीच सम्बन्धहरूमा पनि निरन्तर वृद्धि भएको छ। मलाई पूरा विश्वास छ, आउँदो २५ वर्षमा अमृत कालमा भारत-बङ्गलादेश मित्रताले नयाँ शिखरहरूलाई छुनेछl’

सम्झौताहरूको जानकारी दिँदै प्रधानमन्त्रीले भने, ‘हामीले आईटी, अन्तरिक्ष र नाभकीय उर्जा जस्ता क्षेत्रहरूमा पनि सहयोग बढ़ाउने निश्चय गरेका छौं। हाम्रा युवा पीढ़ीले यसमा रूचि राख्दछ। हामी जलवायु परिवर्तन र सुन्दरबन जस्ता साझा धरोहरहरूलाई संरक्षित राख्नमाथि पनि सहयोग जारी राख्नेछौं। आज हामीले आतङ्कवाद र कट्टरवाद विरूद्ध सहयोगमाथि पनि जोड दियौं। १९७१  को भावनालाई जीवन्त राख्नका निम्ति हामीले यस्ता शक्तिहरूको मिलेर सामना गर्नु धेरै आवश्यक छ, जसले हाम्रो आपसी विश्वासमाथि आघात पुऱ्याउन चाहन्छl’