भारतले गहुँ निकासीमा प्रतिबन्ध लगाए पनि इजिप्टलाई गहुँको ठूलो खेप दिइरहेको छ। खाद्यान्न संकटमा परेकाले दर्जनौं देशले भारतलाई गहुँ दिन आग्रह गरिरहेका छन्। भारतीय अधिकारीहरूले यी अनुरोधहरूको समीक्षा गरेर निर्णय लिनेछन्। भारतले गहुँ निकासीमा प्रतिबन्ध लगाए पनि इजिप्टमा गहुँको ठूलो खेप पठाएको छ। इजिप्टको अनुरोधपछि भारतबाट ६१ हजार ५ सय टन गहुँ इजिप्ट पठाइएको छ। गहुँ निकासीमा प्रतिबन्ध लगाएपछि भारतले कुनै पनि देशलाई दिएको यो सबैभन्दा ठूलो खेप हो। इजिप्ट जस्तै करिब १२ देशले भारतलाई गहुँ निर्यात गर्न आग्रह गरेका छन्। हिन्दुस्तान टाइम्सको रिपोर्टका अनुसार सम्पूर्ण मामिलाका बारेमा सचेत एक अधिकारीले नाम न छाप्ने अनुरोध गर्दै यो जानकारी दिएको हो। कम्तिमा एक दर्जन देशले कूटनीतिक तहमा भारतलाई गहुँका लागि अनुरोध गरिरहेको उनले बताए। भन्सारले १७ हजार १६० टन गहुँ इजिप्टमा निर्यात गर्न अनुमति दिएको थियो। भारतबाट निकासीमा प्रतिबन्ध लागु हुनुअघि नै इजिप्टमा पठाइने ढुवानीका लागि क्रेडिट ग्यारेन्टीलगायत अनिवार्य औपचारिकता पूरा गरिएको अधिकारीले बताए।