दार्जिलिङ: २००२ को विश्वकप विजेता ब्राजिलका कप्तान काफुलाई दार्जिलिङको लेबोङ खेल मैदानमा भव्य स्वागत गरिएको छ। उनी दार्जिलिङ शहरबाट लगभग १० किलोमिटर टाढा आर्य चिया बगानमा प्रस्तावित सिद्रा हिल्स स्पोर्ट्स एण्ड वेलनेस रिसोर्टको भर्चुअल रूपमा शिलान्यास गर्न आएका थिए। काफु जसको पूरा नाम मार्कोस इभान्जेलिस्टा डे मोरेस हो, ले आज दार्जीलिङको आर्य चिया बगानका दुई फुटबल टोलीहरूको पनि उद्घाटन गरे। ५६ वर्षीय ब्राजिलका पूर्व फुटबल कप्तानले १९९४ र २००२ मा विश्वकप जितेका थिए र आफ्नो देशलाई पाँचौं विश्वकप उपाधि दिलाएका थिए। उनले १९९८ को फाइनलमा पनि खेलेका थिए, जुन ब्राजिल फ्रान्ससँग पराजित भएको थियो।

फिफाले उनलाई लगातार तीन पटक विश्वकप फाइनलमा उपस्थित हुने एक मात्र खेलाडीको रूपमा रेकर्ड गर्दछ। स्पोर्ट्स एण्ड वेलनेस रिसोर्ट आर्य चिया बगानको पर्यटन विकास योजनाको एक हिस्सा हो र २१५ करोड रुपियाँको लागतमा लगभग ४० एकड जमीनमा फैलिएको छ। यसमा एक सयभन्दा बढी विलासी कोठा र भिल्लाहरू हुनेछन्। गेस्टहरूले फुटबल, बास्केटबल, टेनिस र अन्य धेरै खेलहरूसहित खेलकूद सुविधाहरूको विस्तृत दायरामा पहुँच पाउनेछन्। रिसोर्टले अल-टेरेन भेहिकल (एटीभी) पनि प्रदान गर्नेछ, जसले साहसिक उत्साहीहरूलाई थप मनोरञ्जनात्मक अवसरहरू प्रदान गर्नेछ। यो परियोजना २०३१ सम्ममा पूर्ण रूपमा सम्पन्न हुने तालिका छ। अर्कोतर्फ, पहाडको फुटबल प्रतिभालाई प्रस्फुटन र प्रवर्ध्दनको लागि, आर्य टी कम्पनी लिमिटेडले दार्जिलिङ वारियर्स र नर्थ बेङ्गाल फाइटर नामक दुईवटा फुटबल टोलीहरू सुरु गरेको छ।

दार्जिलिङ वारियर्सको लागि पहाडका प्येयर्सहरूलाई प्राथमिकता दिइँदैछ भने नर्थ बेङ्गाल फाइटरमा अलिपुरद्वार, काेचबिहार, सिलगढी, जलपाईगुडी, मालदा र दिनाजपुरका आशाजनक युवा फुटबलरहरूलाई अवसर प्रदान गर्नेछन्। कार्यक्रममा राज्यका पर्यटन मन्त्री डा. शंकर घोष, युवा तथा खेलकु्ूद मन्त्री डा इन्द्रनील खान, पहाडी मामिला मन्त्री विशाल लामा साथै दार्जिलिङ र खरसाङका विधायक पनि उपस्थित रहेका थिए।