कोलकाता: “रङ पानसी” को पहलमा चौथो वर्षको चित्र प्रदर्शनीको शुभ उद्घाटन बिरला एकेडेमीमा सम्पन्न भयो। बिरला एकेडमी ऑफ़ आर्ट एंड कल्चरको चौथो तलमा रङ पानसी समूहको चित्र प्रदर्शनी सुरु भएको छ। यो प्रदर्शनी १५ मार्चसम्म सञ्चालन हुनेछ। मंगलबार यस प्रदर्शनीको उद्घाटन चित्रकार तथा अध्यापक माइकल बोसले गरेका थिए।
यहाँ दर्शकहरूले युवा तथा नवोदित चित्रकारहरूको उत्कृष्ट हस्तकला, चित्रांकन र छायाचित्रणको अद्भुत प्रदर्शन अवलोकन गर्न सक्नेछन्। चित्रकार तन्मय विश्वास, अम्बरीश दास, अनिन्द्य शंकर चक्रवर्ती लगायत अन्य कलाकारहरूको निरन्तर प्रयासका कारण यो चित्र प्रदर्शनी सर्वाङ्गपूर्ण रूपमा सुन्दर बनेको छ। यो रङ पानसीको चौथो वार्षिक चित्र प्रदर्शनी हो।

आगामी १५ मार्चसम्म प्रत्येक दिन अपराह्न तीन बजेदेखि राति आठ बजेसम्म यो चित्र प्रदर्शनी ताल काली मन्दिर नजिकै रहेको बिरला एकेडेमी कला तथा संस्कृतिको चौथो तलमा कला प्रेमीहरूका लागि खुला रहनेछ। उद्घाटन समारोहमा अभिनेत्री गार्गी राय चौधुरी पनि उपस्थित थिइन्।