गान्तोक: भोलिदेखि शुरू हुने सिक्किम विधानसभाको बजेट सत्रलाई ध्यानमा राख्दै आज राज्यका मुख्यमन्त्री प्रेमसिंह तामाङले राज्यका नवनियुक्त राज्यपाल ओम प्रकाश माथुरसँग भेट गरे। विशेष गरेर मुख्यमन्त्री तामाङले भोलि ५ देखि ९ अगस्तसम्म चल्ने बजेट सत्रमा उपस्थित हुन आमन्त्रित गरे।मुख्यमन्त्री तामाङको निमन्त्रणालाई स्वीकार्दै राज्यपालले बजेट सत्रमा उपस्थित हुने वचन दिए। यस अवसरमा राज्यका मुख्य सचिव भीबी पाठकको पनि उपस्थिति रहेको थियो।