कोलकाता: बंगलादेशका सांसद अनवरुल अजिम अनारको हत्या प्रकरणको अनुसन्धान गरिरहेको पश्चिम बंगाल सीआईडीले हत्यामा मुख्य संदिग्धलाई सहयोग गर्ने व्यक्तिलाई पत्ता लगाउन छिमेकी देश नेपाल भ्रमण गर्ने योजना बनाएको छ। सञ्चारमाध्यमको समाचारअनुसार एक अधिकारीले बुधबार सो जानकारी दिएका हुन्। अधिकारीले मुख्य संदिग्ध अनारको बाल्यकालको साथी र व्यापारिक साझेदार भएको अनि अमेरिकी नागरिकता लिएको दाबी गरेका छन्। उनले कोलकाताको न्यूटाउनमा रहेको फ्ल्याटमा सांसदको हत्या हुँदा संदिग्ध व्यक्ति शहरमा रहेको बताए। हत्यापछि संदिग्ध अख्तररुज्जमान नेपाल भागेको र त्यहाँबाट दुबई हुँदै अमेरिका गएको अधिकारीले बताए।

पुलिसले एक जना अभियुक्तलाई पक्राउ गरेको जनाएको छ। पक्राउ परेका व्यक्ति पेशाले कसाई रहेको र उनले अवामी लिगका सांसदको ८० टुक्रा गरी शवलाई बेसारमा बेरेर न्यूटाउन वरपरको नहरलगायत विभिन्न ठाउँमा फालेको उनले बताए। कसाई बंगलादेशी नागरिक भएको र अवैध रुपमा भारत आएको पुलिसले जनाएको छ। सियाम नामका व्यक्तिले अनारको साथीलाई शव हत्या गर्न कसाई फेला पार्न मद्दत गरेको र घटनापछि उनी नेपाल भागेको अनुसन्धानकर्ताहरूले आशंका गरेको अधिकारीले बताए। सीआईडी ​​अधिकारीले भने, ‘हामी नेपाल जाने विकल्पमा विचार गरिरहेका छौँ, जहाँ सियाम लुकेर बसेको हुनसक्छ। त्यो अनुसन्धानको महत्वपूर्ण पक्ष हो।‘ पक्राउ परेका कसाईले नक्कली कागजातका आधारमा आफूलाई भारत प्रवेश गर्न र त्यसपछि न्यूटाउनको फ्ल्याटमा बस्न मद्दत गरेको पश्चिम बंगाल सीआईडीका अनुसन्धान अधिकारीहरूले मंगलबार दाबी गरेका छन् उक्त क्षेत्रमा रहेको फ्ल्याटको सेप्टिक ट्यांकीबाट बरामद गरिएको थियो। बंगलादेशका सांसद अनवरुल अजिम अनारको फ्ल्याटमै हत्या भएको आशंका गरिएको छ। उनीहरुले फ्ल्याटबाट रगतको नमूना समेत बरामद गरेका छन्।