पेरिस: वर्तमान यूएस ओपन च्याम्पियन कोको गौफले डायना यास्त्रेमस्कालाई ६-२, ६-४-ले पराजित गरी फ्रेञ्च ओपन टेनिस टुर्नामेण्टको चौथो राउण्डमा प्रवेश गरिन्। अमेरिकाकी तेस्रो वरीयता प्राप्त गौफ २०२२-मा यहाँ फाइनलमा पुगेकी थिइन्। उनले महिला एकलको म्याचमा डायनालाई ३८ वटा अनफोर्स्ड एरर गर्न वाध्य गरिन् अनि अष्ट्रेलियन ओपनको सेमिफाइनलसम्म पुग्ने यस खेलाड़ी विरुद्ध जीत हासिल गरिन्। वर्षाले गर्दा अबेर रातसम्म चलेको टुर्नामेण्टका केही म्याचहरूमा उलटफेर देख्न पाइयो, जसमा अमेरिकाकी गैर वरीयता प्राप्त पीटन स्टर्न्सले दशौं वरीयता प्राप्त डारिया कसाटकिनालाई पराजित गरिन्। यसरी इटलीकी एलिजाबेटा कोसियारेटो (५१औं ऱ्याङकिंग)-ले लियूडमिला सेमसोनोवा (१७औं ऱ्याङकिंग)-लाई ७-६, ६-२-ले पराजित गरी अझ एउटा उलटफेर गरिन्। अब कोसियारेटोकी भिड़न्त गौफसँग हुनेछ। यी दुईबीच अहिलेसम्म दुईपल्ट भिड़न्त भइसकेको छ अनि दुवैपल्ट अमेरिकी खेलाड़ीले जीत हासिल गरेकी छन्।
यसरी क्वालीफायर ओल्गा दानिलोविचले डोना वेकिचलाई ०-६, ७-५, ७-६-ले पराजित गरी ग्राण्ड स्ल्याम टुर्नामेण्टमा पहिलोपल्ट चौथो राउण्डमा स्थान बनाइन्। वर्षाले गर्दा सालको दोस्रो ग्राण्ड स्ल्याममा लगातार तेस्रो दिन खेल प्रभावित भयो। वर्षाले गर्दा आयोजकहरूले कृत्रिम प्रकाशको सहारा लिएर प्रत्येक कोर्टमा अबेर रातिसम्म म्याचहरू गराउनु पऱ्यो।
महिला एकलमा जुन शीर्ष खेलाड़ीहरूले हारको सामना गर्नु पऱ्यो त्यसमा २०१७-की च्याम्पियन तथा यहाँ नवौं वरीयता प्राप्त येलेना ओस्टापेंको पनि सामेल छिन्, जसलाई डेनमार्ककी क्लारा टसनले ७-६, ४-६, ६-३-ले पराजित गरिन्। यसरी एघाह्रौं वरीयता प्राप्त डेनियल कोलिन्सलाई सर्बियाई क्वालीफायर ओल्गा डेनिलोविचले ६-७, ७-५, ६-४-ले पराजित गरिन्। यसबाहेक २३औं वरीयता प्राप्त अन्ना कालिन्स्कायाले बियांका एण्ड्रीस्कूलाई १-६, ७-५, ६-३-ले पराजित गरिन्। पुरुष एकल वर्गमा उलटफेरको शिकार हुने खेलाड़ीहरूमा २५औं वरीयता प्राप्त फ्रान्सेस टियाफो र ३१औं वरीयता प्राप्त मारियानो नवोन सामेल छन्। टियाफोलाई उनकै साथी डेनिस शापोवालोवले ६-७, ६-४, ६-२, ६-४-ले पराजित गरे।