दार्जिलिङ: अनुमानलाई अन्त्य गर्दै दुई जीटीए काउन्सिलर प्रमोस्कर ब्लोन र भूपेन्द्र क्षेत्री अन्ततः अजय एडवर्डको हाम्रो पार्टी छोडेर अनित थापाको भारतीय गोरखा लोकतान्त्रिक मोर्चामा सामेल भए। हाम्रो पार्टीका उपाध्यक्ष एवम् घुम-जोरबाङ्लो समष्टीका सदस्य प्रमोस्करब्लोन र पुलबजार विजनबारी समष्टीका सदस्य भूपेन्द्र क्षेत्री शनिबार हाम्रो पार्टी छोडेर अनित थापाको भारतीय गोरखा लोकतान्त्रिक मोर्चामा प्रवेश गरेका छन्। यद्यपि उनी अनित क्याम्पमा सामेल हुने लगभग निश्चित थियो। शनिबार दुवै जना औपचारिक रुपमा भारतीय गोर्खा लोकतान्त्रिक मोर्चामा प्रवेश गरेका छन्।

भारतीय गोर्खा लोकतान्त्रिक मोर्चाका अध्यक्ष अनित थापाले जीटीए (गोर्खाल्याण्ड टेरिटोरियल एडमिनिस्ट्रेशन)का दुई सदस्य प्रोमोस्कर ब्लोन र भूपेन्द्र क्षेत्रीलाई पार्टीको झण्डा दिएर पार्टीमा स्वागत गरेका थिए भने सो अवसरमा कालिम्पोङका विधायक रुदेन सदा लेप्चा, महासचिव अमर लामा लगायतका नेताहरुले पार्टीमा स्वागत गरेका थिए। तथा कार्यकर्ताहरुको उपस्थिति रहेको थियो।