पोर्तुगल र नर्वे यूईएफए नेशन्स लीगको क्वार्टर फाइनलमा पुग्न सफल

IMG-20261118-WA0051

नयाँ दिल्ली: पोर्तुगलको साथमा नर्वेले यूईएफए नेशन्स लीग फूटबल प्रतियोगिताको क्वार्टर फाइनल चरणमा स्थान बनायो। यसरी स्वीडेन र नर्दर्न आयरल्याण्ड चाहिँ ड्र-मा रोकियो। मंगलवार राति खेलिएको ग्रुप ए४-को रोमाञ्चक म्याचमा पोर्तुगलले वेल्सलाई ३-२-ले पराजित गऱ्यो। म्याचको मध्यान्तरसम्म त स्कोर २-२-को बरराबरीमा रहेको थियो। दोस्रो हाफको खेलमा चाहिँ पोर्तुगल निर्णायक गोल हासिल गर्न सफल भयो। यस अवे म्याचमा ६० प्रतिशत बल पोजेशनको साथ खेल्ने पोर्तुगलबाट ब्रुनो फर्नाण्डेसले ११औं, पेड्रो नेटोले ४३औं र कार्लोस फोर्ब्सले ७०औं मिनटमा गोल गरे। यसरी वेल्सको तर्फबाट डेविड ब्रूक्सले १३औं र सोर्बा थोमसले ४०औं मिनटमा गोल गरे। म्याचको ७४औं मिनटमा पेड्रो नेटोले रातो कार्ड देख्दा पोर्तुगल १० जना खेलाड़ीमा सीमित भए पनि त्यसले नतीजामा कुनै असर परेन। यस जीतको साथ पोर्तुगल ६ वटा म्याचमा १५ अंकको साथ ग्रुप ए४-को शीर्षमा रहेर क्वार्टर फाइनलमा पुग्यो। यसरी वेल्स ३ अंकको साथ अन्तिम स्थानमा रह्यो। यस ग्रुपको अन्य एउटा म्याचमा नर्वेले डेनमार्कलाई ३-२-ले पराजित गऱ्यो। म्याच चरम रोमाञ्चक रह्यो अनि नर्वेले अन्तिम समयमा असाधारण पुनरागमन गर्दै जीत हासिल गऱ्यो। घरेलु मैदानमा ४६ प्रतिशत बल पोजेशनको साथ खेल्ने डेनमार्क एक समय २-०-ले अनि म्याचको अन्तिम समयसम्म पनि २-१-ले अघि रहेको थियो। डेनमार्कको तर्फबाट रासमस होयलुण्डले ११औं र पिएर-एमिल होयबेयरले १४औं मिनटमा गोल गरे। म्याचको शुरुमै २ गोल खाएपछि नर्वेलाई स्टार फरवर्ड एर्लिंग हालाण्डको उत्कृष्ट प्रदर्शनले जितायो। म्यानचेष्टर सिटीका यस खेलाड़ीले ३७औं मिनटमा टोलीलाई पहिलो गोल दिलाए। त्यसपछि मार्टिन ओडेगार्डले ८३औं मिनटमा गोल गरी स्कोर बराबरीमा पुऱ्याए। अन्तमा इञ्ज्युरी टाइमको छैटौं मिनटमा पेनल्टीबाट गोल गरी हालाण्डले नर्वेको जीत सुनिश्चित गरे। यस म्याचपछि नर्वे र डेनमार्कको ६-६ वटा म्याचमा ९-९ पुग्यो। अंक बराबर भए पनि गोल अन्तरको आधारमा नर्वेले ग्रुपको दोस्रो स्थानमा रहेर क्वार्टर फाइनलमा स्थान बनायो। ग्रुप बी२-मा नर्दर्न आयरल्याण्ड र हंगेरीबीच खेलिएको म्याच १-१-ले ड्र रह्यो। बार्नबास भार्गाले ३५औं मिनटमा हंगेरीलाई बढ़त दिलाए पनि जस्टिन डेवेनीले ६५औं मिनटमा गोल गरी नर्दर्न आयरल्याण्डलाई १-१-को बराबरीमा पुऱ्याए। यस जीतपछि नर्दर्न आयरल्याण्ड ६ वटा म्याचमा १२ अंकको साथ ग्रुप बी२-को शीर्ष स्थानमा पुग्यो। यसको साथै टोलीले लीग ए-मा प्रोमोशन पनि हासिल गऱ्यो। हंगेरी ११ अंकको साथ दोस्रो स्थानमा रह्यो। यस ग्रुपको अन्य एउटा म्याचमा युक्रेनले जर्जियाविरुद्ध १-०-ले जीत हासिल गऱ्यो। ग्रुप बी३-मा इज्रायल र अष्ट्रियाबीच खेलिएको म्याच १-१-ले ड्र रह्यो। यस ग्रुपको अन्य एउटा म्याचमा आयरल्याण्डले कोसोवोलाई ३-०-ले पराजित गऱ्यो। घरेलु मैदानमा ५९ प्रतिशत बल पोजेशनको साथ खेल्ने विजेता टोलीबाट ट्रोय पेरोटले पेनल्टीबाट २ गोल गरे। ग्रुप बी३-मा अष्ट्रिया १२ अंकको साथ शीर्ष स्थानमा रह्यो। टोलीले लीग ए-को निम्ति प्रोमोशन पनि हासिल गऱ्यो। आयरल्याण्ड ८ अंकको साथ दोस्रो स्थानमा रह्यो। ग्रुप बी४-मा स्वीडेन र पोल्याण्डबीच खेलिएको म्याच १-१-ले ड्र रह्यो। यसरी बोस्निया एण्ड हर्जेगोविनाले रोमानियालाई २-१-ले पराजित गऱ्यो। ग्रुप बी४-मा १४ अंकको साथ शीर्ष स्थानमा रहने स्वीडेनले लीग ए-को निम्ति प्रोमोशन हासिल गऱ्यो।

About Author

Advertisement