पेरिस: सात हप्ता अघि फ्रेञ्च ओपनको खिताब जित्ने कार्लोस अल्काराज र इगा स्वियातेकले रोलां ग्यारोमा जारी ओलम्पिक टेनिस स्पर्धामा जीतको साथ अभियान शुरु गरे। वर्षाले गर्दा स्टेडियमको छाना बन्द गरेर म्याचहरू खेलाइयो। स्वियातेक र अल्काराजले झैं नोवाक जोकोविचले पनि सीधा सेटमा जीत हासिल गरे। जोकोविचको दोस्रो राउण्डमा रोलां ग्यारोको बादशाह मानिने रफायल नडालसँग भिड़न्त हुनसक्छ, जसले आइतवार आफ्नो अभियान शुरु गर्नेछन्। नडालले आफ्नो २२ वटा ग्राण्ड स्ल्याममा रेकर्ड १४ वटा रोलां ग्यारोमा जितेका छन्। उनी ओलम्पिकमा पनि दुईपल्टका स्वर्ण पदक विजेता हुन्। फ्रेञ्च ओपनमा ३ पल्टकी च्या्म्पियन तथा विश्वकी नम्बर एक महिला टेनिस खेलाड़ी पोल्याण्डकी स्वियातेकले रोमानियाकी इरिना क्यामेलिया बेगुलाई सीधा सेटमा ६-२, ७-५-ले पराजित गरिन्। यस साल फ्रेञ्च ओपन र विम्बल्डनको खिताब जित्ने स्पेनका अल्काराजले लेबनानका हेडी हबीबलाई सजिलैसँग ६-३, ६-१-ले पराजित गरे। ओलम्पिकको पुरुष एकलमा शीर्ष वरीयता प्राप्त सर्बियाका जोकोविचले अष्ट्रेलियाका म्याथ्यू एबडेनलाई ६-०, ६-१-ले पराजित गरे। जूनमा फ्रेञ्च ओपन र दुई हप्ता अघि विम्बल्डनमा उपविजेता रहने इटलीकी जास्मिन पाओलिनी पेरिस ओलम्पिक खेलहरूमा जीत हासिल गर्ने पहिलो टेनिस खेलाड़ी बनिन्, जब उनले रोमानियाकी ऐना बोगडेनलाई ७-५, ६-३-ले पराजित गरिन्।