मुम्बई: पूर्व मुख्यमन्त्री एवं वरिष्ठ कांग्रेस नेता पृथ्वीराज चव्हाणलाई अज्ञात व्यक्तिले आइतवार फोनमा मार्ने धम्की दिए। साथै उक्त व्यक्तिले धम्कीपूर्ण ई-मेल पनि पठाएका छन्। सातारा पुलिस अधीक्षकले कराडमा पृथ्वीराज चव्हाणको आवासको सुरक्षा व्यवस्था बढाएको छ। सूत्रहरू अनुसार, कराड पुलिस स्टेशनको टीमले फोन कल ट्रेस गर्दा नान्देड जिल्लाको अक्षय चौराडेले फोन गरेको थाहा पाए। पुलिस टीमले चौराडेलाई समात्न नान्देड प्रस्थान भएको छ। चौराडेसॅंग सोधपुछपछि मात्र उनको धम्कीपूर्ण फोन कलको खुलासा हुनेछ। पृथ्वीराज चव्हाणले हालैमा मनोहर उर्फ संभाजी भिडेको पक्राउको माग गरेका थिए। मनोहर भिडेले राष्ट्रपिता महात्मा गान्धीको बारेमा अपमानजनक बयान दिएका थिए। यसपछि, मनोहर भिडे विरूद्ध मामिला दर्ता गरिएको छ। यस कारण उनलाई यस्तो धम्की आएको हुनसक्ने आशंका व्यक्त गरिएको छ। यद्यपि, पुलिसले जाँच शुरू गरेको छ। -हिस