‎‎पाक्योङ: भारतीय प्रशासनिक सेवाकी अधिकारी परी बिश्नोईले आज भूमि राजस्व तथा विपद् व्यवस्थापन विभागअन्तर्गत पाक्योङ जिल्लाको जिल्ला अधिकारीको रूपमा आधिकारिक रूपमा कार्यभार सम्हालेकी छन्।हालको नियुक्तिभन्दा अघि उनले सिक्किम सरकारको गृह विभागअन्तर्गत नयाँ दिल्लीस्थित सिक्किम भवनमा उपआवासीय आयुक्तको रूपमा कार्यरत रहेकी थिइन्।पाक्योङ जिल्ला सूचना तथा जनसम्पर्क कार्यालयद्वारा जारी प्रतिवेदनअनुसार, नयाँ जिम्मेवारी सम्हालेसँगै उनले जिल्लाको प्रशासनिक कार्यलाई प्रभावकारी र जनमुखी ढंगले अघि बढाउने प्रतिबद्धता व्यक्त गरेकी छन्।