दार्जीलिङ: केन्द्रीय मन्त्री निसिथ प्रामाणिकले बुधबार भने, ‘पश्चिम बंगालका मानिसहरू प्रधानमन्त्री नरेन्द्र मोदी फेरि प्रधानमन्त्री बन्नको लागि पर्खिरहेका छन्l’ उनले सत्तारूढ तृणमूल कांग्रेसले महिलाहरूको अपमान गरेको भन्दै आरोप लगाए। दार्जीलिङ लोकसभा निर्वाचन क्षेत्रका भाजपा उम्मेदवार राजु विष्टको समर्थनमा निसिथ प्रामानिकले रोड शो गरेका थिए। दार्जीलिङ लोकसभा सिट सन् २००९ देखि भाजपाले लगातार जित्दै आएको छl यसपाली यहाँ मुख्य रुपमा भाजपाका राजु बिष्ट, टीएमसीका गोपाल लामा र कांग्रेसका मुनिष तामाङबीच प्रतिस्पर्धा हुनेछ। सन् २०१९ को लोकसभा चुनावमा राजु  बिष्टले ५९.२ प्रतिशत मत ल्याएर तृणमूलका अमर सिंह राईलाई पराजित गरेका थिएl २०१४ मा, यस वर्ष आसनसोलबाट चुनाव लडिरहेका भाजपाका एसएस अहलुवालियाले ४२.८ प्रतिशत मत पाएका थिए, जबकि भारतीय फूटबलका पूर्व कप्तान तथा टीएमसीका उम्मेदवार भाइचुङ भुटियाले २५.५ प्रतिशत मत प्राप्त गरेका थिए। प्रारम्भिक चरणमा उत्तर बङ्गालका तीन सिटमा मतदान भएपछि, दार्जीलिङ, बालुरघाट र रायगञ्जमा लोकसभा चुनावको दोस्रो चरणमा शुक्रबार २६ मा मतदान हुँदैछ। पश्चिम बंगालका बाँकी सिटहरूको लागि ४ मई, १३ मई, २० मई, २५ मई र  १ जूनमा मतदान हुनेछ। मतगणना ४ जूनमा हुनेछ।