मुम्बई: बलिउडका मेगा सुपरस्टार शाहरुख खानले फिल्म ‘पठान’ मार्फत ठूलो पर्दामा तुफानी रुपमा फर्केका छन्। निर्देशक सिद्धार्थ आनन्दद्वारा निर्देशित, ‘पठान’ले आफ्नो उत्कृष्ट संग्रहले सबैलाई प्रभावित गरेको छ। ‘पठान’ले सङ्ग्रहको हिसाबले इतिहास रचेको ठूलो किर्तिमान हो। शाहरुख खान स्टारर ‘पठान’ले कमाईको मामिलामा दक्षिण भारतको सिनेमाको ब्लकबस्टर फिल्म ‘बाहुबली २’ लाई पछि पारेको छ।

प्रसिद्ध ट्रेड एनालिस्ट तरण आदर्शले शाहरुख खान स्टारर फिल्म ‘पठान’को पछिल्लो कमाईको तथ्याङ्कको बारेमा जानकारी दिएका छन्। तरणले आफ्नो आधिकारिक इन्स्टाग्राम ह्यान्डलमा पछिल्लो पोस्ट सेयर गर्दै भनेका छन्- ‘फिल्म ‘पठान’ ले रिलिजको २५औं दिनमा बक्स अफिसमा हिन्दीमा ३.२५ करोड र अन्य भाषामा ७ लाखको व्यापार गरेको छ। जसका कारण ‘पठान’ले सबै भाषामा बक्स अफिसमा ५११.४२ करोडको रेकर्ड तोडेको छ। योसँगै ‘पठान’ले द्स्क्शिं भारतको सुपरस्टार प्रभास स्टारर फिल्म ‘बाहुबली २’ को रेकर्ड तोडेको छl’

बलिउड हंगामाको रिपोर्टअनुसार बाहुबली २ ले बक्स अफिसमा ५१०.९९ करोड कलेक्सन गरेको थियो। योसँगै ‘पठान’ हिन्दी सिनेमाको सबैभन्दा धेरै कमाउने फिल्म बनेको छ। ‘बाहुबली २’ मात्रै होइन, सुपरस्टार शाहरुख खानको फिल्म ‘पठान’ले आफ्नो उत्कृष्ट प्रदर्शनका आधारमा साउथ सिनेमाको ब्लकबस्टर फिल्म केजीएफ च्याप्टर २, आरआरआर, टाइगर जिन्दा है, दंगल र वार जस्ता ठूला फिल्मलाई पछाडि छोडेको छ।