नयाँ दिल्ली: हार्दिक पाण्ड्याले पञ्जाब किंग्समा सामेल भएपछि पहिलो प्रतिक्रिया दिएका छन्। हार्दिक अब मुम्बई इण्डियन्सको साथ छोड़ेर आईपीएल २०२७-मा पञ्जाब किंग्सको निम्ति खेल्नेछन्। मुम्बईले हार्दिकको स्थानमा अर्शदीप सिंहलाई पञ्जाबसँग ट्रेड गरेको छ। बुधवार यस हाई प्रोफाईल डीलको आधिकारिक घोषणा भयो। अहिले हार्दिक पञ्जाब किंग्समा सामेल भएपछि के फ्रेञ्चाइजीले आफ्नो कप्तान बदलिनेछ भन्ने चर्चा शुरु भएको छ। यसबीच हार्दिकले पनि आफ्नो सोशल मीडिया पोष्टको माध्यमले कप्तानीलाई लिएर संकेत दिएका छन्। हार्दिक १८ करोड़ रुपियाँको मूल्यमा पञ्जाब किंग्समा सामेल भएका छन्। यसरी अर्शदीप पञ्जाबबाट मुम्बई इण्डियन्समा सामेल भएका छन्। आईपीएलद्वारा जारी बयानमा हार्दिक आफ्नो वर्तमान फीस १६.३५ करोड़ रुपियाँभन्दा अधिक धनराशिमा मुम्बई इण्डियन्सबाट पञ्जाब किंग्समा गएको पुष्टि गरेको छ। यसरी अर्शदीप आफ्नो १८ करोड़ रुपियाँको वर्तमान मूल्यमै मुम्बईमा सामेल भएका छन्। यसरी मुम्बई इण्डियन्ससँग हार्दिकको दोस्रो कार्यकाल समाप्त भयो। हार्दिक पहिलोपल्ट २०१५-मा मुम्बई इण्डियन्समा सामेल भएका थिए। उनले टोलीलाई २०१५, २०१७, २०१९ र २०२०-मा च्याम्पियन बनाउनमा महत्त्वपूर्ण भूमिका निर्वाह गरेका थिए। यसरी हार्दिक २०२४-मा गुजरात टाइटन्सबाट मुम्बई इण्डियन्समा फर्किएका थिए अनि रोहित शर्माको स्थानमा कप्तानी सम्हालेका थिए। उनको दोस्रो कार्यकालमा मुम्बई इण्डियन्सको प्रदर्शन निराशाजनक रह्यो। समग्रमा हार्दिकले आईपीएलमा १६२ वटा म्याच खेलेर १४६.२८-को स्ट्राईक रेटले २९५५ रन बनाउनको साथै ८२ विकेट लिएका छन्। यसरी अर्शदीप ८ वटा सीजन पञ्जाब किंग्समा बिताएर मुम्बई इण्डियन्समा आएका छन्। यस पेस बलरले २०१९-मा पञ्जाबको तर्फबाट आईपीएलमा पदार्पण गरेका थिए। देब्रे हातका यस पेस बलरले आईपीएलमा ९६ वटा म्याच खेलेर १११ विकेट लिएका छन्, जुन पञ्जाब किंग्सको तर्फबाट सर्वाधिक विकेटको रेकर्ड हो।
पञ्जाबमा सामेल भएपछि हार्दिकको पहिलो प्रतिक्रिया अघि आएको छ। टोलीमा उनको भूमिका के हुनेछ भन्ने हार्दिकले स्पष्ट गरेका छन्। उनले सोशल मीडियामा जारी आफ्नो पोष्टमा श्रेयस अय्यरलाई कप्तान, रिकी पोण्टिंगलाई आफ्नो प्रशिक्षक र पञ्जाब किंग्सलाई आफ्नो परिवार बताएका छन्। हार्दिकले लेखेका छन्, सतश्री अकाल। मेरो कप्तान श्रेयस, मेरो प्रशिक्षक पोण्टिंग र पूरा पञ्जाब परिवार, म तपाईंहरूसँग सदा साथमा उभिनेछु। उल्लेखनीय छ, हार्दिकले आफ्नो कप्तानीमा गुजरात टाइटन्सलाई आईपीएल च्याम्पियन बनाएका थिए अनि मुम्बई इण्डियन्ससँग दोस्रो कार्यकालमा पनि कप्तानी कायम राखेका थिए। यसबीच पञ्जाब किंग्समा चाहिँ श्रेयस अय्यरले कप्तानी सम्हालिरहेका छन्। अहिले हार्दिकको पोष्टपछि पञ्जाब किंग्सको कप्तानीमा बद्लाउको सम्भावना कम्ती नै रहेको स्पष्ट भएको छ।