सिलगढी: सिलगढीको चम्पासरीको दक्षिण पलाश इलाकामा भएको नाबालिग हत्या प्रकरणका आरोपी मनोज राई अझै बेपत्ता छन्। प्रहरी र विभिन्न अनुसन्धान निकायले अभियुक्त मनोजको खोजी गरिरहेका छन्। उता, दक्षिण पलाश क्षेत्रको जमाई बजारको वातावरण अझै तनावग्रस्त छ। परिवारसहित सम्पूर्ण क्षेत्रका जनता शोकमा छन्। नाबालिग बालिकाको निर्मम हत्यालाई कसैले स्वीकार गर्न सक्दैन। घटनाको विरोधमा आज स्थानीयवासीले दोषी मनोज राईलाई कडा भन्दा कडा कारबाही र मृतकको आत्माको चिरशान्तिको कामना गर्दै प्लेकार्ड र मैनबत्ती बोकेर मौन जुलुस निकालेका थिए। मौन जुलुसमा महिलाको संख्या बढी थियो। मौन जुलुस दक्षिण पलाशबाट सुरु भई समरनगर परिक्रमा गरी डिजे मोरमा समापन भएको थियो। स्थानीयले दोषीलाई कडा भन्दा कडा कारबाही गर्न माग गरेका छन्।