लण्डन: पेस बलर ब्रायडन कार्सलाई डर्बीको एउटा नाइट क्लबमा भएको कथित घटनापछि पाकिस्तानविरुद्ध खेलिने दोस्रो टेस्ट म्याचको निम्ति ईंग्ल्याण्ड टोलीबाट बाहिर गरिएको छ। ईंग्ल्याण्ड र पाकिस्तानबीच दोस्रो टेस्ट म्याच २७ अगस्तदेखि लर्डसमा शुरु हुनेछ। ईंग्ल्याण्ड एवम् वेल्स क्रिकेट बोर्ड (ईसीबी)-ले मामिलालाई क्रिकेट रेगुलेटर समक्ष पठाएर जाँच शुरु गरेको छ। दोस्रो टेस्ट म्याचको निम्ति कार्सको स्थानमा २३ वर्षीय पेस बलर सन्नी बेकरलाई ईंग्ल्याण्डको टोलीमा सामेल गरिएको छ। यो फसेला हालै भएको एउटा नाइट क्लब घटनापछि लिइएको छ। केही दिन अघि एउटा भीडियो प्रकाशमा आएको थियो, जसमा कार्सलाई एउटा नाइट क्लब बाहिर पुलिसले पक्राउ गरेर लगिरहेको देखिएको छ। त्यसपछि ईसीबी-ले मामिलाको जाँच शुरु गरेको छ। भीडियोमा कार्सलाई डरहमका साथी खेलाड़ी म्याथ्यू पट्ससँग कुराकानी गरिरहेको देखिएको छ। यस मामिलामा ईसीबी-ले आइतवार भनेको थियो, हामीलाई त्यस घटनाबारे थाहा लागेको छ। घटना डर्बीमा भएको हो। हामीले घटनाको जाँच शुरु गरेका छौं। यसबारे हामी चाँड़ै विस्तृत जानकारी दिनेछौं। उल्लेखनीय छ, ईंग्ल्याण्डले पहिलो टेस्ट म्याचमा पाकिस्तानलाई सजिलैसँग ईनिंग्स र १०३ रनले पराजित गरेको थियो। यो घटना यस्तो समयमा आएको छ जब दोस्रोपल्ट ईंग्ल्याण्डका टेस्ट कप्तान बनेपछि जो रुटले खेलाड़ीहरूमाथि कुनै प्रकारको कर्फ्यू लागू नगर्ने फसेला गरेका थिए। यसअघि ईंग्ल्याण्डका खेलाड़ीहरूमाथि अबेर राति बाहिर घुमफिर गर्नदेखि कर्फ्यू जारी गरिएको थियो। उल्लेखनीय छ, कार्सले आफ्नो टेस्ट करियरमा १४ वटा म्याच खेलेर ५८ विकेट लिएका छन्। यसरी ब्याटरको रूपमा उनले एउटा अर्द्धशतकको साथ ३५७ रन बनाएका छन्। कार्स घरेलु मैदानमा पाकिस्तानविरुद्ध ३-मा २ वटा टेस्ट म्याचको निम्ति ईंग्ल्याण्ड टोलीको हिस्सा थिए तर लीड्समा खेलिएको पहिलो टेस्टमा उनले प्रथम एकादशमा स्थान बनाउन सकेका थिएनन्। त्यसपछि उनले काउण्टी च्याम्पियनशीपमा डरहमको तर्फबाट खेल्दै २ विकेट लिनको साथै जम्मा २६ रन बनाएका थिए। म्याचमा डरहमले डर्बीशायरलाई पराजित गरेपछि कार्स आफ्ना साथीहरूसँग जीतको खुशीयाली मनाउन जाँदा नाइट क्लबमा घटना भएको थियो।