सिलगढी: नक्सलबारी ग्रामीण अस्पतालको उचित मूल्य चिकित्सा सेवा केन्द्र अस्थायी रूपमा बन्द छ। औषधी केन्द्र अगाडि सेवा बन्दको सूचना टाँगिएको छ। औषधी सेवा केन्द्र बन्द हुँदा बिरामी र तिनका परिवारलाई समस्या परेको छ। औषधी लिन सबैलाई यता उता जानुपर्छ। यो सुपथ मूल्य चिकित्सा सेवा केन्द्रको उद्घाटन मुख्यमन्त्रीले २०१४ मा गरेका थिए। यहाँ ६० प्रतिशत सस्तो मूल्यमा औषधीहरू उपलब्ध छन्। सेवा बन्द हुँदा सबैको समस्या बढेको छ। बिरामीका परिवारले यो सेवा छिट्टै शुरु गर्न माग गरेका छन्। तर, टेन्डर नपुगेपछि यो सेवा बन्द छ। नक्सलबाड़ी ब्लक हेल्थ अफिसर डा. कुन्तल घोषले फोनमा भने कि छिट्टै समाधान खोजिनेछ र उचित मूल्यको औषधि सेवा केन्द्र खोलिनेछ।