सिलगढी: नक्सलबारीमा खोलाबाट बालुवा र ढुङ्गा चोर्ने ट्याक्टर चालक पक्राउ परेका छन्। नक्सलबारीस्थित बेङ्गाई जोत एसियाली राजमार्ग राष्ट्रिय राजमार्गबाट बालुवा बोकेको ट्याक्टरसहित पुलिसले एक जनालाई पक्राउ गरेको छ। मेची खोलाबाट अवैध रूपमा बालुवा उत्खनन् गर्दा पक्राउ परेका चालकलाई कागजात नभएको भन्दै बालुवा बोक्ने ट्याक्टरसहित पक्राउ गरिएको पुलिस स्रोतले जनाएको छ।

पक्राउ परेका युवक राजेश करुवा खरीबारी गौरसिंह इस्टेटका हुन्। अभियुक्तलाई आज सिलगढी उपविभागीय अदालतमा पेश गरियो। पुलिसले अभियुक्तलाई हिरासतमा लिएर घटनाको सम्पूर्ण अनुसन्धान गर्ने जनाएको छ।