सिलगढी: सिलगढी मेट्रोपोलिटन पुलिस सिलगढी पुलिस स्टेशन र पानीट्यांकी चौकी पुलिसले ठूलो सफलता हासिल गरेको छ। नक्कली कल सेन्टरमार्फत अनलाइन ठगी गर्ने गिरोह पुलिसले पर्दाफाश गरेको छ। साथै, पुलिसले कोलकाताका १० जनालाई पक्राउ गरेको छ। सिलगढीमा ठगीको सञ्जाल चलिरहेको थियो। स्रोतका अनुसार एन्टिभाइरस कम्पनीको नाममा अफिस खोलेर केही व्यक्तिले ठगी गरिरहेका छन्। उनीहरुले ल्यापटप र मोबाइलमा धेरै सिमकार्ड प्रयोग गरी ठगी गरेका थिए। गोप्य स्रोतबाट यस बारे जानकारी प्राप्त हुनासाथ सिलगढी थानाको सादा पोशाकका पुलिस र सिलगढी थानाको पानीट्यांकी चौकीले संयुक्त रूपमा कल सेन्टरमा राति अबेरसम्म छापा मारेका थिए। अभियान सफल भयो। सिलगढी नगरपालिकाको वार्ड नम्बर ११ को शिशिर भादुरी सरानीको फ्ल्याटमा यो अवैध कारोबार चलिरहेको थियो। सिलगढी पुलिस स्टेशनले कोलकाताका १० युवालाई पक्राउ गरेर अवैध केन्द्रको पर्दाफाश गरेको छ। यस कारबाहीमा चार वटा ल्यापटप, ६ वटा मोबाइल र अन्य धेरै कागजात बरामद भएको छ। सिलगढी पुलिस थानामा लामो समयदेखि यस विषयमा गुनासोहरू आइरहेका थिए। अन्ततः अपरेशनमा १० जनालाई पक्राउ गरियोl पक्रा परेका व्यक्तिहरू कोलकातालगायत विविन्न जिल्लाका बासिन्दा थिए। सिलगढी पुलिस थानाले यस चक्रमा बाहिरी नेटवर्कको संलग्नता छ कि छैन भनेर अनुसन्धान गरिरहेको छ। गए रातिको छापामारीमा पक्राउ पर्नेहरुको नाम एमडी अरसाद, एमडी अमान, राजा फिरोज खान, अब्दुल तौहित रोहित गुप्ता, राजेश शा, एमडी उमर सौम, विकास कुण्डु मेहता, अहमद अन्सारी, अभिजित दास रहेका छन्। पक्राउ परेकाहरुलाई आज सिलगढी अदालतमा पेश गरियो।